MÊRDÎN - Ciwanê HDPyî di tepiştişê 10 merdimê ke Endamê Meclîsa Ciwanê HDPyî zî mîyan de bî, şermezar kerdî û vatî: "Ma reyêk bîn dîyar kenê ke hêrişî do netîce nêgîrê! Şima do nêeşkê ma bipelçiqnê û teslîm bigîrê! Ma do nê îqtîdarî bişawê!" 

 

Meclîsa Cinîyê Ciwanan û Meclîsa Ciwanan ê Partîya Demokratîke ya Şaran (HDP) tepiştişê 10 merdimê ke Endamê Meclîsa Ciwananê HDPyî zî mîyan de bî, vernîyê awanîya HDPyê Mêrdînî de bi beyanatêke şermezar kerdî. Xeylêk kesî beşdarê beyanatî bîyî. Ciwanan di malûmat de pankartê 'Ciwanan xo ver dayî,  ciwanî xo ver danê, ciwanî do xo ver bidê. Ma do qetî ser de bikewê' akerdî.  Metnê malûmatî Rezan Kaya wend. 

 

Rezane,  da zanayene ke konseptê şer ê îqtîdarîya AKP-MHPyî bi 'Planê Çokdayîşî'  duştê Şarê Kurdî û hêzê demokrasîyî de dayê destpêkerdiş, ewro zî bi tehdayan  ferzkerdişê ajanî, destbendkerdiş û tepiştişê ciwanan danê domnayîş. Rezane qal kerd ke îqtîdarîya AKP-MHPyî ciwanan seke tehdîdo tewr pîl ê duştê îqtîdarîya xo vînenê. 

 

'Ma do nê îqtîdarî bişawê' 

 

Rezane ard ziwan ke no konsepto ke îqtîdarî duştê Kurdan de, hêzê demokrasîyî de û şaran de fînayo dewre hetê ciwanan û şarê 8ê Adare û Newroze de vejîyayî meydanan rê ameyî rişnayîş û dîyar kerd ke coka nê yewî Endamê Meclîsa Ciwanan ê HDPyî hedef yenê girewtiş. Rezane veng ro îqtîdarî kerd ke dest polîtîkayê pelçiqnayîşê ciwanan ra veradê û wina vat: "Biewnê meydanê Newroze ra, şima ma û hêzê ma yê organîzekerdeyî bivînê! Ma reyêk bîn eşkera kenê ke hêrişî do netîce nêgîrê! Şima nêeşkenê ma bipelçiqnê û teslîm bigîrê! Ma ciwanî do nê îqtîdarî bişawê û ciwîyêka newe awan bikerê!" 

 

Malûmat bi berzkerdişê sloganan û bi çepikan peynî bî.