AMED - Vervatoxa Meclîsê Cinîyan ê DBPyî Aynûr Sarica derheqê xebatan de qisey kerd û vat: "Ma cinîyê DBPyî duştê rol û mîsyonê sîstemo ke ro ma ferz bîyo,  di wexto newe de bi polîtîkayê xo, do meydanan de organîzebîyayîşê xo bîyarê ca. 

 

DBP ke hem mintiqa de hem di şaristananê Tirkîyayî de organîzebîyayîşê xo domneno, yew hedefê xo no yo ke temsîlkarîya seyyewbînî û têkoşînê cinîyan pîl  bikero. DBP ke di nuqteyê têkoşînê cinîyan de qeraran gêno, 27ê  Sibate de 6in Kongreya xo ya Asayî ardî ca û Meclîsa Cinîyan ê DBPyî awan kerd."

 

Vervatoxa Meclîsa Cinîyan ê DBPyî Aynûr Sarica derheqê awankerdişî û xebatan de erjnayîş kerd. 

 

'Ma serê temsîlkarîya seyyewbînî de meclîsa cinîyan awan kerd'

 

Aynûre da zanayene ke awanbîyayîşê DBPyî ra heta nika qîmet dayê têkoşînê komela organîzekerde û azade û bi têkoşînê azadîya cinî dir zî bîyê yew û vat: "27ê Sibate de bi şîarê 'Komele ya azade dir verbi ciwîya azade' kongre amî ca. Yew qeraro ke ame ca ra temsîlkarîya seyyewbînî bî. Seba awankerdişê meclîsa cinîyan plan û organîzebîyayîşê ma bîbî. Seba mekanîzmayî bêrê awankerdiş û pawitişê heqê cinîyan vejîyê aver, 27ê Sibate de ma kongre ard ca. Dimayê ci zî hema ma meclîsa cinîyan ê DBPyî îlan kerd. Meclîsa cinîyan, wareyê ciwîye de seba cînî bêro têhet xebatê aktîfî kena." 

 

'Xebatê ma duştê hêrişan de estê' 

 

Aynûre dîyar kerd ke 8ê Adare, 21ê Adare, 4ê Nîsane û 1ê Gulane de Meclîsa Cinîyan ê DBPyî bi reng û vatişanê xo wareyan de bî; mehlan de, dewan de, şaristanan de xebatê organîzekerdişî caardî. Aynûre nê çîyî vatî: "Ma bi sîstemêke hewl danê ke asasê 3yînê Şerê Dinya awan bikerê dir rî bi rî yê. Ma tesîrê nê Rojhelatê Mîyanînî de ciwîyenê. Emperyalîstî hewl danê hêzêke hegemonîkî awan bikerê. Ma nê Kurdistan û Tirkîya de zî vînenê. Hêrişê vejenê werte zî amancê înan vejeno werte. AKP-MHP û PDK xetê îxanetî de bîyê yew û hêrişan hemverê Kurdistanî de anê ca. Sey Meclîsa Cinîyan ê DBPyî xebatê ma duştê hêrişan de estê. Planê AKPyî estê ke xeta îxanetî û bêîtîfaqbîyayîşî mabênê Kurdan de awan bikero. Ma seke DBPyî duştê hêrişê hemverê Kurdan de yê. Ma duştê nê de têkoşîn kenê. Bêşik tewr zêde cinî benê hedef û şerî ra zirar vînenê. Destqezencîyê cinîyan yenê hedefgirewtiş. Fînaka tewr şênbere ma Kurdistan de vînenê. Her xebata xo de ma hêzê dewlete dir yenê rî bi rî. Fînak, ma seba cinîya ke ameya qetilkerdiş vejênê meydanan, polîs vergumanî  paweno û cinîyan tehdîd keno." 

 

'Seba komelêke rêxistinkerde xebatî dewam kenê' 

 

Aynûre, dadîyê ke Silopî de verbi sînorî ra rayîr şîyê vîrfîna û wina beyanat kerd: "Şero ke Vaşurê Kurdistanî de yeno kerdiş, Tirkîya û Vakurê Kurdistanî ra xoser nîyo. Bi destê PDKyî yanî bi destê Berzanî hêrişî uca de yenê rayrayîş. Ê ke vernî ro nê bigîrê, reyna ma cinî yê. Ma seke cinîyê DBPyî seba ciwîyêka azade û komelêka rêxistinkerde xebatê xo kenê. Ma heme cinîyî serê rêxitinkerdişî de plankerdiş kerd. Xebatê ma seba komelêka rêxistinkerde, do bidomo." 

 

'Kurdistan de OHAL esto' 

 

Aynûre bale ante serê tecrîdo ke sîstematîk bîyo û nê çîyî qal kerdî: "Tecrîd di şexsê Birêz Abdullah Ocalanî de serê heme tepişteyan de yeno rayrayîş. Tirkîya û Kurdistan de prosesêke OHALî yê amebî îlankerdiş bîbî. Dima ra qedêna la reyna seba Kurdistanî ameyo destpêkerdiş. OHALî dir wazenê her çîyî binê kontrolê xo de bigîrê. Duştê nê de şarî kenê binê tecrîdî. Duştê nê de xoverdayîş bîbî. Fînak, grevê vêşanbîyayîşî bîbî. Sîyasetmedarê Kurdî hêsîr yenê girewtiş. Amed, Îzmîr, Stenbol û Wan de Nobetê Edaletî estê. Îqtîdar pêroyî apey şîyo û bi nê dir zî çimsûrîya ci her ke şino zêdeyêr beno. Tewr zêde reyna cinîyan hedef gêno. Vera nê zî hewceyîyî bi rêxistinbîyayîşêke esto. Ma do rêxistinbîyayîşê xo bîyarê ca."