Oznur Deger

 

ANQARA - Endama Meclîsî ya Cinîyan ê HDPyî Leman Kîraze Konferansê Pêroyîyê Cinîyan ê HDPyî yê ke do 300 cinîyî tewir bibê erjna û vat: "Cinîyî û tutî tewr zêdeyêr şerî ra zirar vînenê. 260 milyonî şîyê sîleh û polîtîkayê ewleyî rê. Nika duştê Mintiqaya Federe ya Kurdistanî de hêrişî ardê ca. No bi pereyê tunîka cinîyan yeno kerdiş. Aştî seba cinîyan çiqas muhîm a, ame qiseykerdiş." 

 

Verîyê 5in Kongreya Asayî yê HDPyî di 3yê Temûze de bêro ca, Meclîsê Cinîyan ê HDPyî Konferansê Cinîyan ê Mintiqayî ardî ca. Di 5ê Gulane de Behro Sîya de, 8ê Gulane de Anatolya ya Mîyanîn de, 16ê Gulane de Serhedî de, Ege û Marmarayî û tewr peyîn de 16ê Gulane de Çûkûrova û Amedî de ameyî ca. Dimayê konferansê mintiqayî do 21-22yê Gulane de Kongreya Pêroyî yê Cinîyan Anqara de bêro ca. 

 

Endama Meclîsî ya Partîya HDPyî Leman Kîraze derheqê hadrekarîyê konferansê pêroyî de qisey kerd. 

 

Do tewr kemî 300 cinîyî tewir bibê 

 

Lemane da zanayene ke verîyê konferansî heme mintiqan de civatê hadrekarîyî ardê ca û bi delegeyê uca ra weçinayê do konferans bîyarê ca û vat: "Tewr kemî do 300 cinîyî tewir bibê. Yew babete ra bêro munaqaşekerdiş ke, babetê di konferansê mintiqayî de ameyê ca yê. Sernameyê ke konferans ra vejîyê, do di kongreya 3yê Temûze de bikewê binê qerarî. Di heme merkezê ke ameyê eşkerakerdiş munaqaşeyî yenê rayrayîş û dima ra qerarê înan yenê girewtiş û di kongreya pîle de do bêro qebûlkerdiş. Ma do konferansê xo bi sloganê 'Ma azadîyî de bi qerarê, di têkoşînî de bi israrê' anê û bîyarê ca." 

 

'Konferans de rayîro hîrêyîn amî destgirewtiş' 

 

Lemane dewamîyî de wina vat: "Proseso ke konferansî ameyê ca de, çi heyf ke prosesoke tehdayî yê serê Kurdan de ke zêde bîyê de ameyî ca. Konferans nê hetî ra muhîm bî. Konferans sewîyeyêke muhîm ê têkoşîna bi serran yena dayîşî. Her wareyî de ma ci de yê di her şertî de ma yenê têhet. Ma di her îmkanî de vat ganî no sîstem bibedelyo û ganî ma duştê mîlîtarîzmî de bê. Bi rayîro hîrêyîn ma vat, ma ciwîyêke newe hedef kenê. Konferans de ma bi xusûsî serê nê de vindertî." 

 

'Polîtîkayê çînayîşî û barkerdişî' 

 

Lemane sewbîna bale ante serê sernameyê konferansê Mintiqayê Anatolya ya Mîyanînî de vejîyayê aver û nê çîyî qal kerdî: "Ma na ciwîye de û na herdnîgarîyî de yê la her kesî para xo zilmê AKP-MHPyî ra girewto. Anatolya ya Mîyanînî bi serran o seke kewareyê genimî  yêno vînayîş.  Ma seke Meclîsê Cinîyan ê HDPyî çînayîşî qisey kerdî. Ma vat ke  çînayîşî  pey ra kewtişêk pîl esto. Sebebê nê zî polîtîkayê çînayîşî yê îqtîdarîyî yê. Nê hetî de pêşnîyazî vejîyayî aver. Ma vat, ma senîn bibê hetkar û senîn eşkenê probleman hel bikerê? Sewbîna ma babeta multecîyan zî munaqaşe kerd. Ziwanê nefretî yê hemverê multecîyan de yê, vera ziwanê îqtîdarîyî yenê ca. Rewşa multecîyê cinîyan ameyî erjnayîş. Ma konferans de bale ante serê rewşa cinî û tutanê Êzîdî yê ke ameyê remnayîşî. Ma bander bî ke cinî û tutê Êzîdîyî Mintiqayê Anatolyaya Mîyanînî de vejîyayê werte. Weyra de hinî banan de ameyê girewtiş. Ma do nê di konferansê pêroyî de bîyarê ziwan. Na rewşe persê seke 'Gelo Mintiqaya Anatolya ya Mîyanînî de polîtîkayêke xusûsî esta? Binê nê de sebebê cîyayî estê?' anê vîrê merdiman. " 

 

'260 milyonî sîlehî û polîtîkayê ewleyî rê xerc kerdê' 

 

Lemane bale ante serê polîtîkayê şerî yê îqtîdarî û wina qal kerd: "Cinî û tutî tewr zêde şerî ra tesîr benê. Nê seke krîzê ekonomî, tacîz û tecawuzî ro cinîyan û tutan agêrenê. La pêwa nê welat de butçeyêke pîl şerî rê yeno aqitnayîş. 260 milyonî sîlehî û polîtîkayê ewleyî  rê ameyê xerckerdiş. Ma zanenê ke feqîrî vera nê qewimîyenê. Na Feqîrîya cinîyan zî giran kena. Nika teverê sînorê ma de hemverê xeylêk şaran de hêrişî ameyê ca. Bêşik no pere tunîka cinîyan ra yeno girewtiş. Sewbîna reyna binpaykerdişê heqan ê zîndanan de munaqaşekerdiş. Qirkerdişê cinîyan bîyo polîtîkayê dewlete. Hemverê cinîyan de operasyonêke qirkerdişî esto. Ma do nê sernameyî di konferansê xo yê pêroyî de munaqaşe bikerê." 

 

'Ciwîyayîşo newe do têreyde bêro mûnayîş' 

 

Lemane serê rayîro hîrêyîn de zî erjnayîş kerd û beyanat kerd ke do bîyayîşê cinîyan mîyanê rayîro hîrêyînî de zî munaqaşe bikerê û wina peynî ro ci ard: "Ma do konferans de bîyarê ziwan ke, ma cinîyan dir şinê û di rayîro hîrêyîn de demokrasîyî bi serekîya cinîyan bîyarê. Ma do ciwîyayîşo newe heme cinîyan dir bimûnê. Ciwîyayîşo newe do bi cinîyan bêro awankerdiş."