RIHA - Çalakîya "Nobeta Edaletî" ya Keyeyê Şenyaşarî 434 rojî yo dewam kena. Ferît Şenyaşar, dîyar kerd ke Parlamenterê AKPyî Îbrahîm Halîl Yildiz kiştişê pî û birayê ci yê nêweşxaneyî plan kerdo û waştiş kerd ke ganî fezlekeyê parlamenterê meclisî rê bêro şawitiş.

 

Nobeta Edaletî ya keyeyê Şenyaşarî verê Edliyeyê Rihayî roja 434ine de dewam kena. Emîne Şenyaşar û lajê xo Ferît Şenyaşar, saetê serê sibayî de ameyî verê edliyeyî û dest bi nobeta xo kerdî.

 

Ferît Şenyaşar, derheqê nobeta înan de qisey kerd û wina vat: "Nêweşxaneyê Dewlete ya Pirsûsî de qirkerdişêk organîzekerde ame kerdiş. Ma roja destpêkê nobeta xo ra nê vanê. Dimayê 4 serran kekê parlamenterê ke qirkerdiş organîze kerd ame tepiştiş. Kesê ke qirkerdiş organîze kerdê 2 kesî yê. Yew nînan ra kekê Parlamenter Îbrahîm Halîl Yildizî yo û yew zî Yildiz o. Destbendkerdişê peyîn de şêwirmendê parlamenter zî îfadeyê xo de nê vano;  kesê ke ma teşwîq kerd palamenterê ma bi. Ma bi teşwîqê ci şî nêweşxane.’ No zî xo mikurbîyayîş o.

 

Ferît, veng da ke fezlekeyê Îbrahîm Yildizî lezabez teslîmê meclisî bêro kerdiş û vat ke heta edalet bi ca bêro do nobeta xo dewam bikerê.

 

Keyeyê Şenyaşarî, serê hesabê xo yê medyaya dîjîtale de hesabê meclisî yê fermî etîket kerd û vat:  "Nobeta ma ya edaletî roja 434ine de dewam kena. Yew organîzatorê qirkerdişî ame tepiştiş. Yew ci ra zî hema meclis de yo ke do demêk nêzdî de fezlekeyê ci şêro meclis.”