ANQARA  - Kitabê Gayle Tzemanch Lemmone ya ke 'Kênayê Kobanî (Keçên Kobanî)' Hemsereka BDPyî ya verî ra Sebahat Tûncele rê ame şawitiş la hetê îdareyê zîndanî ra bi behaneyê 'tehdîdî awan keno' nêame dayîş. 

 

Hemsereka Pêroyî ya verî ya BDPyî Sebahat Tûncele di Zîndanê Tîpê Lyî yê Humare ya 3yê Sîncanî de manena. Sebahat Tûncele derheqê Kitabo 'Kênayê Kobanî' yê Galye Tzemanch Lemmon û kitabo 'Nustîşê serê Kurdistanî (Nivîsê li ser Kurdistanê)' yê Martîn Van Bruinnessen ke ci rê amebi şawitiş û îdarekarîya zîndanî nêdayo de, mektûbêke JINNEWSî rê şawit. 

 

Sebahat Tûncele da zanayene ke kitabê seba aye ameyê şawitiş nêdayê aye û semedê nê zî nizdîyîya îqtîdarîyî ya hemverê Problemê Kurdî yo. 

 

'Rejîmo yewkî  xoza zî bêhal kerdo' 

 

Sebahate derheqê babete de, di mektûbê xo de wina vato: Feraseto yewkî, faşîst û otorîter ê Tirkîyayî komele de, xoza û cinîyî bêhal kerdê,  Tirkîya bi lezkî demokrasî û azadîyî ra dûrî kewena,  kewta krîzêk sîyasî û ekonomî.  Cayêke de vatişê îqtîdarîya xo resena zilm û zorî, dewlete tehda û şîdetî awan kena û her kesî pelçiqnena. Bêşik yew nê wareyî ra ke tewr zêde nê polîtîkayî ci de yenê kerdiş zîndan ê. Ciwîya zîndanî de têkoşîn ferz kenê. Hetê dewlete ra rewşêke binpaykerdişê heqan yenê ciwîyayîş.  Heq û azadî yenê xespkerdiş.  Ma duştê nê xespan de têkoşînê heqî kenê. Yew nê têkoşînî yê heqî ra wendişê kitaban o. La  ma problemêke kitaban ê bi behaneyê 'Asayîşê îstîmlakî kena talûke' nînê dayîş, ciwîyenê. Pêwa nê qedexe bî. 2 kitabî bi behaneyê bendêyê madeyê 11inê qanûnî yê humare ya 5275 nêameyî dayîş. Kitabêke yê Martîn Van Bruinnessen 'Serê Kurdistanî de  Nustîş' yo, o bîn zî yê Galye Tzemanch Lemmon 'Kênayê Kobanî' bî.

 

'Karîzmatîkî asayîşî tehdîd keno' 

 

Pêwa ke kitabî qedexe nîyê zî rîpelê 36 û 37î ke erjnayîşê 'Kesoke karîzmatîk o bi nameyê Abdullah Ocalanî seba welato xoser yê Kurdistanî awan bikero' keno, sey erjnayîşêke 'pesnê rêxistine yeno dayîş, lîderê rêxistine yeno pîlkerdiş, nuştişo ke neyarîyî îfade keno' ameyo kerdiş. Çîyêke wina ne bi îlmîyo, ne bi huqûqî, ne zî bi exlaq eşkenê  îfade bikerê. 

 

No zîhnîyet do Tirkîyayî verbi apey bero 

 

Qedexeyê kitaban, manîkerdişê heqî û azadî, asasê azadî fikr û fehmî, qedexeyê çapemenî û neqlkerdişî, tu reyî pratîkê dewlete ya huqûqî ya demokratîke nîyê. Nê caardişî caardişê rejîmê dîktatorî, otorîterî, despotîkî û totalîterî yê. Qedexekerdişê kitaban, veşinayîşê kitaban, destsereştişê kitaban di derbeyê 12ê Êlûle de ameyo ciwîyayîş. Zîhnîyeto ke kitaban seke hacetê tehdîdan hemverê ewleyî de vîneno, do Tirkîya zî ver bi tarîyîyêke pîlî dir bero. 

 

Dimayê 2015î rayîr verê krîzêk pîl de ameyo akerdiş 

 

Dimayê Hezîrane ya 2015î  pey ra xetê sîyasî yê Tirkîyayî kewto xespkerdişê îradeyê şarî di îdarekarîya mintiqayî de, globalkerdena di mabênê şarî û bawerîyan de, girankerdişê nêseyyewbînî û krîzêke pîl ê sîyasî û ekonomî wareardê.  Hukm di yew destî de ameyo arêkerdiş. Bêşik nê rewşî sîstemê huqûqî yê demokratîkî werte ra wedaritê. 

 

Netîceyê caardişê îqtîdarîya sîyasî yê 

 

Nê caardişî bêşik netîceyê caardişê îdarekarîya sîyasî yê. Sey Heyetê Perwerdeyî yê Sazgeyê Înfazê Cezayê Tîpê Lyî yê Humare ya 3 yê Sîncanî îdîa kerdê ke kitab sazgeyî tehdîd nêkeno û  bi kilmekî seke mi îfade kerd, no caardiş netîceyê îdarekarîya sîyasî yê di Tirkîyayî de yê.  Wexto peyîn de persê 'azadî yan zî ewleyî'  hetê kesê nizdî îdarekarîyê û îdarekarîyî ra yenê ziwan.  Welatêke de azadî ci de amebê wedaritiş di tarîxê dinya de, di ewleyî de nîyê. Di averşîyayîşê Rojhelatê Mîyanînî û Sûrîyeyî de ma nê tabloyî bi dejî vînayê. 

 

Ganî Tirkîya nê tabloyî ra bixelesîyo 

 

Di netîceyî de seke sazgeyî îdîa kerdo ke, vatişê 'Birêz Abdullah Ocalan lîderêke karîzmatîk o' , ewleyîyî nekeno talûke û no di netîceyê zîhnîyetê îqtîdarî de ameyo ca û netîceyê polîtîkayê tecrîdî yê û tevrê hemverê Kurdan de yê. Qeraro ke ameyo girewtiş her çiqas biresnê qanûnî zî eksê qanûnî yo. Di seserra 21î de Tirkîya kitaban ra tersena, tu çîyêke bido şaran zî çinî yo. Ganî lezkî Tirkîya nê tabloyê sîyayî ra bixelesîyo û wextê ci derbas  bîyo zî şîyo!