DÊRSIM - Makbûle Karakûşa 58 serrî 5 serrî bêrîvanîye kena, dîyar kerd ke karê wareyan zehmeto û vera opesayonê eskerî zî bi ters û qaxûyan de yê. 

 

Dêrsim de bi germbîyayîşê hewayî dir bêrîvanî şinê wareyan. Bêrîvanî zimistanan, hamnan û di şertê zehmetî de seba pesê xo bi kîlometreyan rayîr de şinê. Heto bîn ra zî germê hamnanî û operasyonê eskerî yê mintiqayî de yê bêrîvanan danê zorî. 

 

Di dewa Hecî  Cemalî yê girêdayeyê Pertekê Dêrsimî de cinîya bi nameyê Makbûle Karakûşa 58 serrî 5 serrî yo  Dêrsimî de bêrîvanî kena û derheqê ciwîyayîşê xo de qisey kerd. 

 

'Zorî û zehmetî yê ke cinî ancenê' 

 

Makbûle beyan kerd ke karê wareyan zehmet o û seba dotişê pesî siba rew aya benê û wina vat: "Rey-rey bi şewe herinda şiwanan de cinî pes benê çerênayîşî. Ma di menga Hezîrane de şinê wareyan. Peynîyê menga Teşrîna Peyîne de zî ma yenê şaristan. Ma siba ra şan rojêk ra reyî di rey pes doşenê. Ma şitê pesî ra penîr û mast virazenê. Zafêrî ma roşenê bazirganan. Ê bînî zî ma seba xo wedarenê. Di peynîyê menga Tebaxe de ma rûnê keyî virazenê.  Ma xeylêk zehmetîyan ancenê. Herinda şiwanan de rey-rey bi şewe ma pes benê çerênayîşî. Seba nê zî yê tewr zor û zehmetîyî ancenê cinîyê." 

 

'Ma bi ters ciwîyenê' 

 

Makbûle dîyar kerd ke vera operasyonê eskerî cayê wareyan her tim yenê bombevarankerdiş û vera operasyonan ma qaxû de yê. Makbûleye wina dergî da qiseyanê xo: "Qeza ra heta ma şinê wareyan xeylêk nuqteyan de cigêrayîş kenê. Ma nêeşkenê tefûtalê xo berê. Tefûtalê ma kenê problem. Vanê şima çirê hende tefûtal anê şima danê kam î?  Tefûtal zêde vînenê ma ra gênê. Ma her tim biters ciwîyenê. Heto bîn ra hamnanan problemê awe esta. La ma bêçareyê nê karî kenê. Coka seki bîn çareyê ma çinî yo." 

 

'Goreyê xo vayî ronenê' 

 

Makbûleye bale ante serê krîzê ekonomî yê Tirkîya de her ke şino giranêr beno û vat, zemo yeno kerdiş ma nêeşkenê mesrefê  xo zî bikerê û wina peynî ro ci ard: "Penîro ma virazenê ercan gênê. Heto bîn ra zî êmê pesdewarî vayo. Coka nê ma nêeşkenê mesrefê xo bikerê. Ma bi deyn gênê. Ma pesdewaran roşenê zî ma nêeşkenê ê deynî ra vejîyê. Ma agêrê qeza zî ma do têşan û vêşan bimanê. Verî qet nêbîne ma beranberê keda xo girewtêne. Tîya de çînayîş zî nîno kerdiş. Goreyê xo vayî ronenê. Benê sebebê karker û dewijan. Coka zemo her roje yeno kerdiş ma  nêwazenê televîzyonan seyr bikerê. Ma êdî bêhal bîyê."