RIHA - Çalakîya "Nobeta Edaletî" ya keyeyê Şenyaşarî 432 rojî yo dewam kena. Keyeyî çalakiya xo ya ewro de wina vat: “Seba ke waştişê ma yê edaletî bi ca nêarê ma şima do heta key xo ver bidê!”

 

Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de Pirsûs de hêrişê dikanê keyeyê Şenyaşarî kerd. Hêriş de mêrde û 2 lajê dayika Emîne Şenyaşar ameyî qetilkerdiş û lajê ci Ferît Şenyaşar zî bi birîndarî xelas bî. Seba qatilî bêrê tepiştiş û muhakemekerdiş, Emîne û Ferît Şenyaşar 9ê adara serra 2021 de vernîya Edliyeyê Rihayî de dest bi çalakiya Nobeta Edaletî kerdî. Çalakiya keyeyî roja 432ine de zî dewam kerd. Rojê peyîna hewteyî edliye padaye ya seba nê keyeyî  çalakîya xo keyeyê xo yê Pirsûsî de dewam kerd.

 

Keye derheqê babete de serê hesabê xo yê medyaya dijîtalî de nê mesajî pare kerd û vat: “Seba ke waştişê ma yê edaletî bi ca nêarê ma şima do heta key xo ver bidê! Yê ke xo sey serdestê Rihayî vînenê vînî kenê û xo de rî nêvînenê ke bikewê mîyanê şarî. Ma şima ra nêzdîbîyayîşêk cîya yê edaletî nêwazenê.”