AMED - Seba ke Çaglar Demîrele verpersê 'Ma vatişê ey ci rê agêrinenê' dabî Serekkomar Erdoganî yê heqaret ro partîya înan kerdbi, bi îdîayê 'Heqaretî' dewa ro ci amebi akerdiş. Dewaya Çaglare ke roniştena ci amî kerdiş, taloqê 27ê Êlûle ameye kerdiş. 

 

Serekkomarê AKPyî Recep Tayyip Erdoğan heqaret ro Partîya Demokratîke ya Şaran(HDP) kerdbi û a kerdbi hedef, Serekwekîlê Koma Meclîsî yê HDPyî yê ê wextî Çaglar Demîrele seba vatişanê 'Ma vatişê ey heminan ro ey agêrinenê' verpersê Erdoganî dabi. Vera nê vatişan bi îdîayê 'Heqaret ro Serekkomarî' dewa ro Çaglare amebi akerdiş.  Roniştena dewaya Çaglare di 4in Dadgehe ya Caza ya Aslîyeyê Amedî de ame vînayîş. Roniştena ke Çaglare tewir nêbî de avûkatê aye Serdar Çelebî hadre bi. Avûkat Serdar Çelebî, eşkera kerd ke sewîyeyê bîyayeyî de çîyêk ke vajê çinî yo û waşt waştişê înan ê di roniştena verîyê nika de ardbi ziwan bêrê qebûlkerdiş. Persêrî zî seba kemanîyê bîyayeyî bêrê temamkerdiş û mutaalayê xo hadre bikero waşt dosya ey rê bêro şawitiş. 

 

Dadgehe, qerar da ke seba persêr mutaalayê xo hadre bikero dosya ci rê bêro şawitiş û dewa taloqê 27ê Êlule kerd.