RIHA - Çalakîya 'Nobeta Edaletî' ya Keyeyê Şenyaşarî dewam kena. Sewbîna cipersayîşê bi îdîayê 'Heqaretî' derheqê Emîne Şenyaşare de amebi destpêkerdiş, bi nêteqibkerdişî netîce da. 

 

Çalakîya 'Nobeta Edaletî' ya Emîne Şenyaşare û lajê aye Ferît Şenyaşarî ke verê Edlîyeyê Rihayî de di roja 428ine de dewam kena. Keyeyî nê serê sibayî zî Pirsûsî ra ameyî verê edlîyeyî dest bi nobete kerd. 

 

Avûkatê keyeyî ra Serdar Tûm serdayîşê Emîne û Ferît Şenyaşarî kerd û qisey kerd. Serdarî dîyar kerd ke, na dewa û cipersayîşê derheqê keyeyî de ameyê destpêkerdiş de qebûl nêkenê û ganî waştişê edaletî yê keyeyî bi ca bêrê. 

 

Na mabêne de ame eşkerakerdiş ke Serdozgerîya Komera ya Rihayî cipersayîşo ke bi îdîayo ke 'Heqaretî' yo derheqê Emîne Şenyaşare de dabi destpêkerdiş, bi qerarê nêteqîbkerdişî yan ney, dewanêakerdişî de dayo. Bi îdîayo ke Emîne Şenyaşare 'Heqaret' ro parlamenterê AKPyî Îbrahîm Halîl Yildizî kerdo, derheqê aye de cipersayîş amebi destpêkerdiş. 

 

9ê Adare ya 2021î ra heta nika derheqê Emîne Şenyaşare ke 'Nobeta Edaletî' dewam kena de 14 cipersayîşî yê cîyayî ameyê destpêkerdiş. Nê cipersayîşan ra 3 hebî bedilîyayê peynêkewtişî û 2 dewayî Riha de, dewayêke zî Anqra de yena tertîbkerdiş. Cipersayîşêk zî bi qerarê dewanêakerdişî netîce da û 10 cipersayîşî zî derheqê Emîne Şenyaşare de dewam kenê.