RIHA - Çalakîya "Nobeta Edaletî" ya Keyeyê Şenyaşarî vernîya Edliyeyê Rihayî de 427 rojî dewam kena. Keyeyî serê hesabê xo yê medyaya dijîtalî de nê mesajî pare kerd: “Eke şahidî qisey bikerê do proses tewr leze bibo, zulm peynî bibo.”

 

Çalakîya Nobeta Edaletî ke keyeyê Şenyaşarî  vernîya Edliyeyê Rihayî dayî destpêkerdiş roja 427in de dewam kena. Keye ke saetê serê siba de keyeyê xo yê qezaya Pirsûsî ra ame vernîya Edliye û waştişê xo yê edaletî dewam kerd, kesê ke yenê edliye înan rê derheqê dewa da xeberdar kenê.

 

Keyeyî serê hesabê xo ya medyaya dîjîtalî de nê pare kerd:  “Sere de xebatkarê weşîye yê ke nêweşxane de xebityenê, heme kesê ke bîyê şahidê qirkerdişî nêweşxaneyî ra veng dayî. Siba tutanê xo rê rîyêke sîya meverdê. Eke şahidî qisey bikerê do proses tewr bi lez bibo, zulm do peynî bibo…”