COLEMÊRG - Ame zanayene ke hereketê eskerî Geverî de zêde bîyê û xeylêk wasayîtê zirxî ke Wanî ra ardê Fermadarîyê Cendirmeyanê Geverî de  cakerdê. 

 

Artêşe ya Tirkî bi hetkarîya PDKyî 17ê Nîsane de hêrişê serê Mintiqayê Zap, Avaşîn, Metîna û Kurojahroyî yê ke Mintiqayê Federe yê Kurdistanî de yê ameyî destpêkerdiş, dewam kenê. Coka ke hêrişê  yenê kerdiş ke her roje şaristanê serê xetê sînorî de yê, ê seke Colemêrg û Şirnexî her roje sewqîyatê eskerî zêde benê. 

 

Nê çerçewayî de vizêrî saetê şanî de Gever de heta saetê verîyê şefeqî hereketê hewayî yê helîkopteran ê Artêşe ya Tirkî ameyî vînayîş. Sewbîna di seetê şefeqî de zî ame eşkerakerdiş ke şaristanê Wanî ra xeylêk wesayîtê zirxî ardê û Fermadarîyê Cendirmeyan ê Geverî de  cakerdê û hetêke ra zî xeylêk seyarê transîtî seba xidayî û lazimîyê bînî yê ciwîye ro înan bar kerdê zî şîyê Fermandarî yê Cendirmeyan ê qezaya Geverî. No tewr bale ante no bî wexto ke sewqîyat ameyê dewamkerdiş, asmên de hereketê helîkopteran zêdeyêr bî.