Melîke Aydin

 

ÎZMÎR - Cinîyan reaksîyon vera provakasyonê hemverê merkezê Pêroyî yê HDPyî û tehdîdê polîsan ê hemverê Ayşe Acar Başarana HDPyije, dayî û dîyar kerdî ke zîhnîyetê Denîz Poyraze qetil kerd, xo reyna keno û vatî do bi têkoşîn hêzê hemverê blokê faşîst bêro tasfiyekerdiş.

 

Rojê vîyarte de bi paştdayîşê polîsan hîrê camêrdê ke îdia kerdî tutê înan ko de yê, çelengê sîya dayî verê Merkezê Pêroyî yê HDPyî û provakasyon kerdî. Amîrê polîsan ke paştdayîş da a kome û hêrişê HDPyijan kerd, Vervatoxa Meclîsê Cinîyan ê HDPyî Ayşe Acar Başaran zî bi vatişê ‘ez o to bismar bikerî’ tehdîd kerd.

 

Cinîyan dîyar kerd ke provakasyonê sey nê hemverê HDPyê Îzmîrî zî ameyo kerdiş û verê çimanê polîsan de Denîz Poyraz ameya qetilkerdiş. Cinîyan vat ke no hêriş parçeyêk mendekerdişê faşîzmê AKP-MHPyî yo.

 

‘No provaksîyon bi qetilkerdişê Denîz Poyraz netîce bi’

 

Sereka Partîya KEDî (EMEP) ya Îzmîrî Emîne Uyar vat, hêrişê hemverê Merkezê Pêroyî yê HDPyî provakasyon o û provakasyonêko sey nê Îzmîr de bi qetilkerdişê Denîz Poyraze netîce bîyo. Emîne wina vat: “Pêwa qerekole verê bînaya HDPyî de bî Denîze ameye qetilkerdiş. Nê tesaduf nêbî. Dewaya padayîşê HDPyî rojeve de ya. Îqtîdar hewl dano HDPyî krîmînalîze bikero, paştdayîşê şarî ci ra bivisno û wazeno serê HDPyî de siyaset dîzayn bikero. Eke tutê ê keyeyan vînî yê, vînayîşê înan wezîfeyê dewlete yo. Seba nê ma nê hewldayîşî hewldayîşêk cigêrayîşê masum nêvînenê.”

 

‘Ma vernîya prosesî vera nêdanê’

 

Emîne wina qedêna: “Ganî îqtîdar destur nêdo nê hêrişan. La ma vînenê ke rayîr dano hêrişan. Ma pey nê prosesî vera nêdanê. Ma pey dewaya Denîz Poyraze vera nêdanê. HDP vengê 6 mîlyon merdimî yo û kewt meclîs, partîya hêrîn a. Seba nê zî nêeşkaya partîyêke wina bêro krîmînalîzekerdiş.”

 

‘Netîceyê dişminîyê hemverê cinîyan o’

 

Endama Heyetê Îdarekar a Merkezê partîya Newe yê Xelisyayîşî yê Sosyalîstî (SYKP) Asya Erdal zî vat “Hêrişê hemverê HDPyî parçeyêke hewldayîşê mendekerdişê faşîzmê AKP-MHPyî yo. Her ca de hemverê têkoşînê têduştî û demokrasî hêrişî zêde benê. Bi taybetî zî hemverê tevgerê cinîyan hêrişî zêde bîyê. Hêrişê hemverê Ayşe dişminîyê hemverê tevgerê cinîyan nîşan dano. Hewl danê sîyasetmedarê cinî yê HDPyî siyaset nêkerê. Hêriş berardişê zîhnîyetêke tarî yê hempar o. Eynî zîhniyet qetilkerdişê Denîz Poyraze de zî vejîyayo werte. Ma do bi têkoşînê nê hêrişan bertaf bikerê. Rayîrê nê têkoşînêk yewbîyaye yo. Do qetî blokê faşîst bê rê tasfiyekerdiş.”

 

‘Tehdîd hedê tu kesî nîyo’

 

Platformê Cinîyan ê Bi Pîya Bihêz ê Îzmîrî Dîlek Kanlibaş Demîr zî reaksîyonê nîşanê hêrişê hemverê Ayşe Acar Başaran da û vat: “Tehdîdê Ayşe têkoşînê cinîyan ameyo kerdiş. Ma cinî her tim vera tedayan meydanan de bî û heta peynî zî ma do têkoşîn bikerê. Do tu embazêke ma yê cinî tena rayîra nêşêro. Seba têkoşîn û xoverdayîşê ma bêro şikinayîş, nê hêrişî yenê kerdiş. No zî hêzê xo serdestîyê camêrdan ra gêno.”

 

Hemsereka HDPyî Karabaglar zî Emîne Bozdag dîyar kerd ke Ayşe Acar Başaran îradeyê Şarê Kurdî û cinîyan a û vat: “Ma pey ci de yê. Tehdîdkerdiş û hêrişkerdiş hedê tu kesî nîyo.”