Sema Çaglak

 

ŞIRNEX - Sîyasetmedare Bêrîvan Kutlu, derheqê hêrişê hemverê HDPyî de qisey kerd û vat: "Hêrişê hemverê Ayşe Acar Başaran de hêrişê hemverê îradeyê cinîyan o. Her ke şino cinîyê kurdî rêxistinbîyayîşê xo pîl kenê û coka  bêtehamulîyêk hemverê nê têkoşîn esto. La cinîyê kurdî do hem têkoşînê xo û hem zî rêxistinbîyayîşê xo pîl bikerê." 

 

7 serrê peyîn de hêrişê hemverê Partîya Demokratîke ya Şaran (HDP) xo açarnayo hawayêk sîstematîk. Qetilkerdişê Denîz Poyraz ke bînaya HDPyî ya Îzmîrî, hêrişê hemverê bînayanê Bahçelîevlerê Stenbolî, Amed, Edene, Mersîn, Mugla, Riha û Cizîre. Tewr peyîn zî provokasyonê verê bînaya Merkezê Pêroyî yê HDPyî. Reaksîyon û nêrazîbîyayîşê hemverê provokasyonî dewam kenê û cinîyê herême û Tirkîya zî paştdayîşê xo bi Vervatoxa Meclîsê Cinîyan ê HDPyî Ayşe Acar Başaran dir bi eşkerayî ardî ziwan.  

 

Hemsereka Şaredarîya Cizîre ya ke vera ci qeyûm ame tayînkerdiş Bêrîvan Kutlu derheqê babete de ajansê ma rê qisey kerd.

 

têkîldarî mijarê ji ajansa me re axivî

 

‘Êrişek li dijî vîna gelan e’

 

Bêrîvane, destpêkê qiseykerdişê xo de hêrişê vera bînaya HDPyî û Ayşe Acar Başaran şermezar kerd. Bêrîvane vat: “HDP mîyanê xo de heq û îradeyê heme şarê bindestî hewêneno. No demêk derg o vera HDPyî konseptêk bi nê şiklî yeno kerdiş. Xeylêk partîyê ke îradeyê Şarê Kurdî temsil kenê, bi destê îqtîdarê yewperest ameyî padayîş. Wazenê îradeyê şaran çin bikerê. Nê hêrişî rêze nîyê. Îqtîdarê AKP-MHPyî ke sîyasetêk lêşin keno, bi heme hêzê xo hêrişê vera HDPyî kenê. Seba sîyasetê ke keno xetimya yo û her tengî de verê xo dano HDP.”

 

‘HDP sîyasetê xo serê rastî de keno'

 

Berîvane wina vat: “HDP îradeyê bi mîlyonan kesan o. Adetê îqtîdarê AKP-MHPyî ke vera şaran sîyasetêk lêşin keno, wazeno cuya şaran ê hempar û kulturê înan qir bikerê. No zî parçeyêk polîtîkayêk çokronayîş o. Bêhurmetîyêk vera şaran yeno ramojnayîş. Bê hûrmetîyê hemverê kesê ke temsîlîyetê nê şaran kenê.  HDP tim beno hedefê îqtîdarî."

 

‘HDP seba prosesê xitimnayîşî çareserîyêk o'

 

Berîvane vat, sîyasetê kurdî bi HDPyî dir çiqas şino aver şino û vat: "Qeyûmî, padayîşê hemşaredar û sîyasetmedarê ma heme seba ke rastîyê HDPyî werte ra wedarnê. Wazenê sîyaseto lêşin bidê ciwîyayîş. Dewaya Kobanê zî yew nê nimûneyan ra yo. Demo ke merdim ewnîyeno tarîx ra, vindertişê  Şarê Kurdî ewnîyeno, hemverê nê hêrişan averşîyayîşê sîyasetê kurdî vîneno. Ê çiqas partîyê ma padê, ma xo bi xurt newe awan kerd. HDP projeyê tewr peyîn o la projeyê tewr xurt o. Temamê şarê Tirkîya keweno mîyanê sîyasetî û têkoşînêk wareyê sîyasetê demokratik de keno.”

 

‘Hêrişê vera Ayşe Acar Başaran, hêrişa vera îradeyî yo'

 

Berîvane dergîyê qiseykerdişê xo de bale nat serê hêrişê vera parlementera HDPyî Ayşe Acar Başaran û vat: “Hêrişê vera Ayşe Acar Başaran, hêrişê vera îradeyê cinîyan o. Sekin û têkoşînê cinîyê kurdî nika heme wareyê cuye de dano ramojnayîş. Bêtehamulîyêk vera têkoşînê cinîyan de esto. Tewr peyîn zî no bêtehamûlî xo bi hêrişê vera parlementera ma nîşan da. Tehdîdê vera Ayşe Acar Başaran rêze ra nîyo. Na rewşa Tirkîya zî hemverê cinîya kurdî ramojneno. Hêrsê û kînê înan ê hemverê cinîyan ramojneno. Tehdîd û tedayê înan game ma peyser nêdano eştiş. Ê çend serê ma de bêrê, ma do hende bi hêztir bikerê. Wa baş bizanê ke ma nê bi tehdîd ne zî bi padayîş game peyser erzenê."

 

‘Ma do têkoşîn û rêxistinbîyayîşê xo pîl bikerê' 

 

Berîvane tewr peyîn wina vat: "Ma sey cinîyê kurdî pêwa hêrişan, do deskewtişê xo tewr zêde wayîr vejîyê. Ma do tewr zêde xover bidê. Vindertişê û îradeyê cinî her wext çareserî ardo meydan. Îqtîdar zî no vîneno, hêrişê cinîyan keno. Cinî bi vindertişê xo yê awankerdişî û fehmê xo yê têduşt nê prosesê xitimnaye akerdê. Do nika ra tepya zî têkoşîn û rêxistinbîyayîşê xo tewr pîl bikerê û nê gore do prosesî rê bibê cewab."