MEXMÛR - Karneyê verdibîstanê Wareyê Multecîyê Mexmûrî bi merasîmêke ameyî vilakerdiş. 

 

Tutê verdibîstanê Wareyê Multecîyan ê Şehîd Rustem Cûdîyî(Mexmûrî) bi kelejanêke pîl karneyê xo girewtî. Seba vilakerdişê karneyan merasîmêke ame organîzekerdiş. Mamosteyî, wendekarî û keyeyê înan tewirê programî bîy. 

 

Dimayê deqeyêke rêzgirewtişî program dest pêkerd. Program de mamoste Bihar Beneke qisey kerd. Bihare destpêkerdişî de xêr ameyîşê heme wendekaran û keyeyê înan kerd û wina qisey kerd: "Pêwa heme zorî û zahmetîyan ma perwerdeyê xo dewam kerd. Heme hewldayîşê ma seba rojê ameyoxî yê  tutanê ma yê. Wa tutê ma ciwîyêke serkewte biciwîyê. Heme wezîfeyî û verpersîyarê ke kewenê serê kiftanê ma û  ganî ma keyeyan cabîyarê. Ma di a bawerîye de yê ke heme dadîyê înan verpersîyarî yê xo bîyarê ca û perwerdekerdişê tutanê xo vernîyê her çîyî de bê." 

 

Dimayê qiseykerdişê mamoste Bihare karneyî ameyî vilakerdiş. Programê tutan bi deyîran vatiş û bi berzkerdişê sloganan peynî bî.