AMED - Bi hezaran kesî seba 1ê Gulane bi kortejan herikênê Meydanê Îstasyone. Girse bi sloganê "Biciwîyo 1ê Gulane", "Bimiro xiyanet, biciwîyo Kurdistan" berz kenê.

 

Roja Yewîye, Paştdayîş û Têkoşînê 1ê Gulane ewro xeylêk bajaran de bi coşêke pîl yena pîrozkerdiş. Amed de zî bi rayberîya Konfederasyonê Sendîkayan ê Kedkaran ê Selahîyetdaran (KESK), Konfederasyonê Sendîkayan ê Karkeran ê Şorişgêr (DÎSK), Yewîya Odayan ê Muhendis û Mîmaran ê Tirkî (TMMOB), Yewîya Doktoran ê Tirkî (TTB) bi sloganê, “Ma do pîya bivurnê” do 1ê Gulane Meydanê Îstasyonî de bêro pîrozkerdiş.

 

Însîyatîfê Paştdayîşê Wendekarê Unîversîte, TÎP, HDP, TJA, Komeleya Cinîyan ê Rosaye, BDP, Meclîsê Dayîkanê Aştîye, TKP û xeylêk sazgeh û rêxistinê sîvîl beşdar bî. 

 

Girseyê ke herikya meydan bi kortejan beşdar bi

 

Girse bi sloganê "Biciwîyo Yewê Gulane", "Do AKP hesab bido şarî", "Bimiro xiyanet biciwîyo Kurdistan", "Biciwîyo xoverdayîşê Zapî", "Biciwîyo xoverdayîşê zîndanan" û "Bê Serek cuye nêbena” herikya meydan. Sewbîna pankartê, "Yewbîyayîş ra serkewtiş, xiyanet ra kedwerdoxî yeno”, "Unîversîteyan ra heta meydanan, biciwîyo xoverdayîşê karkeran û wendekaran" , "Biciwîyo yewê gulane" , "Kedkarê çapemeniya azad, hemverê zilm, kedwerdişî, qedexe û sansurî xo ver danê” akerdî.