Dîlan Babat

 

ANQARA - Avûkate Sevînç Hocaogullari eşkera kerd ke qeraro ke 10in Dadgehe ya Daniştayî derheqê Pêkerdişê Stenbolî de bido, hetê rewşa Heyetê Daîreyê Dewayê Îdarî yê Daniştayî ra bêro qebûlkerdiş de do qerar qetî bibo û vat di roniştişî de waştişê kerdê ke tesbîtê şênberî yê persa 'çirê apey ame antiş' bêro kerdiş. 

 

Pêkerdişê Stenbolî, di 20ê Adare de îmzaya serekkomarê AKPyî Erdoganî ra ame feshkerdiş. Derheqê qerarî de organîzeyê cinîyan, komelî û baroyan bi waştişê apey antişê qerarê muracatî ame kerdiş. Muracatê ke ameyî kerdiş de di 28ê Nîsane de 10in Daîreyê Daniştayî de ame vînayîş. Persêrê Daniştayî waştişê betalkerdişê qerarî kerd û yeno pawitiş ke Daniştay do di 15 rojan de qerarî bido û di 30 roje de zî bi nuştekî teblîxê hetan bikero. 

 

Dewaya SESî yê Daniştayî de zî ame vînayîş. Yew avûkateya SESî ra Sevînç Hocaogullari derheqê Pêkerdişê Stenbolî de erjnayîş kerd.

 

'Cinî uca de bî'

 

Sevînçe dîyar kerd ke roja ke pêkerdiş ameyo wedaritiş cinî meydanan de bîyê û israrê xo Daniştayî rê zî domnayê û wina vat: "Daniştay rastîya cinî dir rî bi rî ame. Serekê daîreyî di roniştene de vat 'Ez di tarîxê daniştayî de yewin rey dewaya wina qerebalix vînena'. Cinîyan bi sloganî û çepikê xo motî ke qerar çi beno wa bibo, dest destqezencîyê xo ra vera nêdanê. Ewro teverê huqûqî ra rastîyêke esta. Cinîyî vanê, 'Ma qerarnameyê serekkomarî nas nêkenê' estê. Cinî a roja bi qerarbîyayîşê ke wayîr ro Pêkerdişê Stenbolî vejîyenê uca de bîy. Îradeyê cinîyan dest Pêkerdişê Stenbolî ra vera nêdano."

 

'Verpersê persî çirê çin o'

 

Sevînçe vat wekîlê serekkomarî seba waştişnameyê huqûqnasan vat 'karaset' û vat waştişname muhîm nîyo. Sevînçe dîyar kerd ke verpersê persî 'Pêkerdiş derheqê vernîgirewtena şîdetî ameyo hadrekerdiş çirê apey ameyo antiş' çin o û wina dergî dayî qiseyê xo: "Wexto verpersê nê persî çinîbo tu manaya îfadeyê uca de yenê kerdiş çin ê. Dewa de munaqaşeyê usûlî bîbî. Gelo otorîteyê serekkomarî esto ke pêvînayîşêk mîyanneteweyî bianco? Wexto ma dewa akerd, hetê otorîteyî ra zî îtîrazê ma bîbî. Qerarê antişî yê serekkomar dano ke, la ma vanê qeraro ke meclîs gêno, ganî yê antişî zî yê meclîsî bo."

 

'Rewşe ya destûrê asasî ra antiş nêameyo sererastkerdiş' 

 

Sevînçe bale ante serê vatişê wekîlê serekkomarî yê di roniştene de ke ardê ziwan 'Cinî serê vatişê feshkerdişî de zaf vindenê' û wina malûmat da: "Weyra de zî munaqaşeyê huqûqî estê û hewl da bikewê ê cayan. Komîsyonê Venedîkî derheqê usûlê antişî yê Pêkerdişê Mîyanneteweyî de raporê ke hadre kerdê, estê. Welatan de derheqê usûlê antişî de sererastkerdişî nêameyê kerdiş. Ma het de zî derheqê nê de sererastkerdişêk çin o. Destûrê asasî de, na babete de sererastkerdişêk nêkerdê, keyfîyetî vejeno werte. Senîn kewt vîyartbarî ganî goreyê çerçewayê huqûqî de hereket bikerdê."

 

Sevînçe dîyar kerd ke derheqê pêkerdişî de, Daniştayî de 200yî ra zêdeyêr dewayî ameyê akerdiş û do dewayê muracatê bînî zî bêrê vînayîş û wina dergî dayî qiseyê xo: "Serekkomar otorîteyê destê meclîsî de yo nêeşkeno serê nameyê xo de bixebetno. Di rewşe ya bixebetno de zî di huqûqî de tu beranberîyê nê çin o. Ma dadgehe ra waştiş kerd ke, tesbîto ke hukmê ci çin o bêro kerdiş. Hetê ma de no qerar hukmê ci çin o."

 

'Ma dest destqezencîyan ra vera nêdanê'

 

Sevînçe peynîyê qiseyanê xo de qal kerd ke derheqê dewaya Pêkerdişê Stenbolî de têkoşînêke cidî yê Platformê Cinîyan ê Seba Seyyewbînîyî(EŞÎK) estê û nê hetkarîyêke cinîyan ke bi torê xo awan kerdê. Sevînçe sewbîna qal kerd ke cinî yewbînan ra hêze gênê û qerarbîyayîşê xo kenê û wina peynî ro ci ard: "Nê têkoşînî xo nêsawenî huqûqî, heyetê dadgehe ra uca de hêzê xo nêgînê. Cinîyî bi têkoşîne bi destqezencîyan heta ewro ameyê. Vera nê zî êdî apey şîyayîş çin o. Dest heq û destqezecîyê xo ra vera nêdanê."