MERKEZÊ XEBERAN - Rojnamegere Rojbîn Denîze têkilîya hêrişê dewlete ya Tirkî yê duştê Vaşurê Kurdistanî de wina vat: "Serrêke yo Tirkîya PKK ra derbanê giranan wena. Vera ke nînan binemexnê polîtîkayî avêr fînenê. Medyayî zî serê nê polîtîkayî de rayîr de benê. La PKK game bi game duştê hêrişê îşxalîya Tirkîyayî de ser keweno. Do tu metod û hewldanê dewlete ya Tirkî bi ser nêkewo. PKK her gamî ra hêzêr têkoşîn keno. Şarê Vaşurî zî duştê hetkarîya PDKyî de têkoşîna PKKyî hemêz kenê."

 

Dewlete ya Tirkî bi desan operasyonê eskerî yê teverê sînorî ra da destpêkerdiş. Dimayê pêvînayîşê bi PDKyî dir kerd ke herinde de 17ê Nîsane ra zî mintiqayê Zap, Metîna û Avaşînî de hêrişê hewayî û bejîyî ameyî destpêkerdiş. Bi eynî rengî PDK zî heme hêrişan dir bî hetkar. Rojnamegêre ya ke Vaşurê Kurdistanî de xebetêna, Rojbîn Denîze têkilîya hêrişê Tirkîya-PDKyî û xoverdayîşê gerîllayê PKKyî ajansê ma rê erjnayîş kerd.

 

‘Bêvengîyêke serdest a’

 

Rojbîne bi babeta hetkarîya PDK- Tirkîyayî dir dest bi qiseyê xo kerd û vat: "Ganî têkilîyê PDK û Tirkîyayî boverê asasî ra bêro destgirewtiş. Hela têkilîya înan bi çi tewirî dest pêkerd, amancê ê têkilîyan çî yê? Coka nê yewî ganî hinî ro tarîxê ci biewnê! Yeno zanayene ke qandê 40 serran o dewlete ya Tirkî di binê nameyê tewir bi tewir de xeylêk operasyonî, teberê sînorî ra tertîb kerdê. Duştê Wareyê Pawitişî yê Medyayî de hêrişî yenê ca, la nê dir zî sînordarî nêmanenê û xeylêk mintiqayê Vaşurê Kurdistanî bombevaran kerdî. Goreyê nê zî têkilîya PDK û Tirkîyayî yê serê asasê neyarîya PKKyî de aver kewto bi kok o. Eke ma ro serranê 90yî biewnê, ê wextî de şêwirmendê Mesût Berzanî, Mûhsîn Dîzaynî bi Musteşarê MÎTî dir pêvînayîş ardo ca. No şêwirmend 91 roje tîya de maneno û pêvînayîşê cîyayî ano ca. Nînan heminan zî zaf nimitkî gênê. Di çerçewayê pêroyî de eke ma biewnê a roje ra pêvînayîşê xo nimitkî ardê ca û konseptêke bi nê rengî viraştê. PDKyî xeylêke paştdayîş da Tirkîya, nê zî xeylêk reyan bi tewirêke nimitkî û xeylêk reyan zî bi tewirêke akerde kerdî."

 

'Bi hadreyî û programêke verhîra kewtî zereyê Vaşurî'

 

Rojbîne eşkera kerd ke taktîkê Tirkîya seki operasyonê mende domnenê û vat: "Eke ma ro hêrişanê dimayî biewnê, serranê 2015î ra dewlete ya Tirkî xetê Zaxoyî ra heta Hewlêrî operasyonê tewir bi tewirî ardî ca. Êdî taktîkê xo seke operasyonê mende û destsergirewtişî seke verî nê 'bikewo, pirodo û vejîyo' anê ca. Nê operasyonê xo zî bêşik bi paştdayîşê PDKyî anê ca ke hende hunerê Tirkîya nêbî ke bi xo bido rayrayîş. Bi hadreyî û bi programêke verhîra kewtî zereyê Vaşurî. Hetê herdnîgarîyî de zî eke ma seyr bikerê ma do bizanê ke Tirkîya nêeşkena bê paştdayîş bikewo zere. PDKyî xeylêk wareyî Tirkîya rê akerdî û xeylêk cayê îstîxbaratê xo bi ca kerd. Xeylêk qereqolî viraştî û eskerê Tirkîyayî ci de ca kerd. PDK seba heme hêrişan bî rayîrakerdoxî Tirkîya. Vêşêrî nê programan û hewldanan zî Tirkîya netîce nêgirawt. Xeylêk reyan zî derbeyê giranî girewtî. Polîtîkayê xusûsî dir hewl da nê derbeyê ke werdê binemexnê."

 

'Gerîllayî verperso tewr xurt da hêrişan'

 

Rojbîne têkilîya hêrişê peynîyî qiseyanê xo da dewamkerdiş û vat: "Serra vîyarteyî ra zî prosesêke Garî ra dest pê kerdbî. Dewlete ya Tirkî ke waşt Garî de programêke cîya bifîno dore. Waşt bi pêroyî ablûka bikero, no zî bi îstîxbaratê PDKyî ra girewtbî, kerd. No hêrişê îşxalkerdişî zî seke waştî, netîce nêgirawt. Tirkîya no binkewtiş hezm nêkerd û mintiqayê Zap, Metîna û Avaşînî de zî hêrişê xo verhîra kerd. Xo ra bi qandê serrêke serê nê mintiqan de hêrişî kemî nêbîyê û hema zî dewam kenê. Tewr peynî zî 17ê menge ya Nîsane de bi hewayî û bejîyî zî hêrişê xo dayî destpêkerdiş. Ganî ma baş bizanê ke Tirkîya nika zî nêeşkena hêrişanê xo ra netîce bigîro. Gerîlla zî bi hadreyîyî û bi hêzêke pîl verpersê hêrişan da û prosesê hewteyêke de hêzê Tirkîyayî cemednayî."

 

'PKKyî, PDK hayîdar kerd'

 

Rojbîne têkilîya hetkarîya PDKyî bi Tirkîya dir zî wina vana: "Gerîllayî PDKyî hayîdar kerdbî eke beşdarê hêrişan bibê, ê do netîceyê xetayî dir rî bi rî bimanê. La PDK hema zî na têkilîya xo dano dewamkerdiş. Hêrişê tewr peynî zî hetê Şêladizî ra, mintiqaya ke bi temamî, destê PDKyî de ya ame ca. No zî nîşane yo ke hayîdarîyan verçime nêgîno û bi tewirêke akerde beşdarê hêrişan beno. Ganî ma hetkarîya înan tena nê hetê şerî de zî bigîrê dest. PDKyî nîmeyê Kurdistanî roto dayo înan. Yeno zanayene ke petrol Vaşur de wayîrê cayê ke muhîm o. PDK teberî ra bi rayîrê fermî petrol dano Tirkîya. Verîyê nê zî bi meaşan û bi raporan kewto rojeve. Nê yewî zî bê destûrîya Iraqî keno. Nê gamî zî rêze ra nîyê û seba keyeyê xo( Keyeyê Berzanîyan) zengîn bikero, mîyanê hewldayîşî de yê."

 

'Mîyanê vurînayîşê demografîyî de yê'

 

Rojbîne bale ante serê şarê Vaşurî û nê vatişî vatî: "Tirkîya hêrişê xo di çerçewayê sînorê Mîsakî Mîlî de verhîra kenê. Coka aye zî nika tena nê Wareyê Pawitişî yê Medyayî mîyanê tehdîdan de yê. Vaşur û Iraq zî di mîyanê nê tehdîdî de yê. Mîyanê nê sînoran de zî PDK hêrişê pîlî dano rayrayîş. Verîyê nika xeylêk roşinvîrî, rojnamegêrî û niştecayî ameyî tepiştiş. Tîya de zî şar êdî di ferqê polîtîkayê PDKyî de yo. Ê zî hêrişê Tirkîya û PDKyî seke hêrişê îşxalîyî erjnenê. Heta nika bi seyan dewî ameyî talkerdiş û bi seyan dewî zî bi qaxuyê talkerdişî dir rî bi rî yê. Bax û bostanê înan ameyê veşinayîş. Seba vurînayîşê demografîyî mîyanê hewldane de yê. Serranê vîyarteyî ra îdîayê muhîmî yê ke seke çeteyan Serêkanîyî û Efrînî ra ardê nê mintiqayî de bi ca kenê. Nê hewldanê destserkerdişê heme Kurdistanî yê. Gerîllayî zî seba nê polîtîkayê lîşinî tal vejê xover danê."

 

'Şar Tirkîya û PDKyî nêwazeno'

 

Rojbîne qal kerd ke şar Tirkîya û PDKyî nêwazeno û wina ci de şî: "Çiqas hêrişî bi program û xedarî zî bê her cayî de, Mexmûrî ra bigîro heta Şengalî, heta Wareyê Pawitişî yê Medyayî û merkezê Vaşurî xoverdayîşêk pîl yeno motiş. Hemverê hêrişê îşxalîyî de tevr yeno motiş. No wuştişê şarî hetê medyayê PDKyî ra yenê tewşkerdiş. Şar dewlete ya îşxalkerdoxe tîya de nêwazeno û ê ke ci rê bîyê rayîrakerdoxî, PDKyî teşhîr kenê. Bêşik hetê rêxistine de tevrê înan kemî yê. Seba nê nêrê ca zî polîtîkayî û tehdîdê pîlî estê. Tepiştişî virazîyenê û şar yeno qetilkerdiş. Hewêna vêşêrî nê yewî zî Hewlêr, Silêmanî û xeylêk cayan de çalakîyê girseyî do bêrê ca. Ê do tena çalakîyan dir zî sînordar nêmanê. Do şar tevrê xo duştê PDKyî de di pratîkî de bimojno ra."

 

'Medya seba înan kar kena'

 

Rojbîne geşedanê meydanê şerî wina neqlkerd: "Seke medyayê PDKyî medyayê Tirkîya zî xeberê manîpulasyonî virazenê. Seke mi verî zî ramojnayîş kerd, seba derbê werdişî binemexnê propagandayê rastîye ra dûrî yê kenê. Xeylêk vindîyîyê înan estê û di medyayê înan de qetîyen derbas nêbenê. Nêweşxaneyê seyarî viraştê. Her roje bi desan birîndarê înan virazênê. Nê çîyan zî nemexnenê û nêwazenê bêrê eşnawitiş. Verî yê nika serrêke Hûlûsî Akarî vatbî, doçkayê înan estê ma nêeşkenê helîkopteran ronê. Rastîyê xo ardî ziwan labelê nika zî bi behaneyan nê çîyan nemexnenê. Ê ke Kurdistanî nas kenê, baş zanenê ke Zap mintiqayêk asan nîyo û tîya de dewlete ya Tirkî mexlûbîyetêk pîl ciwîyena. Labelê her roje vindîyîyê xo seke 1 yan zî 2 danê mojnayîş. PKK game bi game ver bi serkewtişî şino. Tirkîya ekonomîyê xo û her çîyê xo seferber kerd labelê beranberê têkoşîna gerîllayî kewt bin."

 

'Rojnamegêrî tîya de azad nîyê'

 

Rojbîne tewr peynî zî têkilîya rojnamegêrê ke Vaşur de xebate danê rayrayîş no malûmat pare kerd: "Xeylêk hemrayê ma yê rojnamegêrî bi tewirêke bê heq û huqûq ameyî tepiştiş. Wextê destbendkerdişî de ma bi tu tewirî xeberî înan ra nêgirawtî. Ma seke rojnamegêrî nêeşkenê bikewê tu cayî û karê xo bidê rayrayîş. Tîya de eke şima propagandayê înan nêkerê ke yan zî MÎTî ra emir nêgîrê şima bêşik di hedefê înan de yê. Vaje hema mimkun nîyo ke ti xebate bidê rayrayîş."