MÊRDÎN - Dêrê Ortodoks û Protestan yê Suryaniyan ê Mêrdînî Roşanê Paskalya (Çarşema Sor) bi ayînan pîroz kerd. 

 

Roşanê Paskalya yê Bîyayîşî, hetê Suryanîyê Ortodoks û Protestan ra yeno pîrozkerdiş. Ayînê ewil çarçewaya roşanî de Dêrê Kirklarî yê Mêrdînî de ame kerdiş. Ayînê dêrê tarîxî de ame kerdiş, hetê Keşeyê Dêrê Kirklar Horiepiskopos Papaz Gabriel Akyuz û Metropolîtê Mêrdîn û Amedî Mor Filuksinos Saliba Ozmen ra ame îdarekerdiş. 

 

Ayînê ke cemaetê suryaniyan tewr bîyî de dûa ameyî wendiş û lawje ameyî vatiş. Rituelê ke çarçewaya xristiyanî de ameyî kerdiş de Parlamentera HDPyî Pero Dundar û endamê HDPyî zî amade bî. Ayîn bi weazê Saliba Ozmen de dewam kerd.

 

Dima ra şekir û hakê rengkerde kesê tewrê ayînî bîbî ame vilakerdiş û pîrozbayîyê roşanî ameyî kerdiş.