RIHA - Çalakîya 'Nobeta Edaletî' ya Keyeyê Şenyaşarî domnena. Çalakîya ewro de keyeyî no mesaj pare kerd: "Derheqê dewaya ma de gamêka huqûqî amaya eştiş. La ma hema nêameyê a sewîyeyî ke vajê eyalet ame ca."

 

Merdim û pawitoxê parlementerê AKPyî Îbrahîm Halîl Yildiz 14ê Hezîrane ya 2018î de Pirsûsê Rihayî de hêrişê dikanê Keyeyê Şenyaşarî kerd. Hêrişî de mêrde û 2 lajê Emîne Şenyaşare ameyî qetilkerdiş. Emîne Şenyaşare û lajê aye Ferît Şenyaşarî 9ê Adare ya parî de vernîyê Edlîyeyê Rihayî de dest bi çalakîya Nobeta Edaletî kerdî. Çalakîya keyeyî di roja 411ine de dewam kena. Coka edlîye, peynîyê hewteyî de padayeyo, keyeyî çalakîya xo di keyeyê xo yê Pirsûsî de domna.

 

Sewbîna vizêrî keyeyê parlementerê AKPyî ra Îbrahîm Halîl Yildiz ke merdim û pawitoxê ey keyeyê Şenyaşarî ra 3 merdimî qetilkerdîbî û 2 merdimî zî birîndar kerdîbî. 9 merdimî ameyî destbendkerdiş. Nê merdiman ra Celal Yildiz, birayê Îbrahîm Halîl Yildizî û Osman Şah Yildiz û Osman Yildiz zî birazayê ey yê, ame eşnawitişî ke nameyê nê merdiman di cipersayîşî de seke merdimê gişta înan qetlîamî de derbas benê.

 

Keyeyî serê hesabê xo yê Medyaya Komelkî de bale ante serê destbendkerdişê 9 merdimê keyeyê Yildizî ra û no mesaj pare kerd: "Dewaya ma de gamêka ameya eştiş. Ma nêameyê a sewîyeyî ke ma vajê edalet ameyo ca. Heta ke 2 waştişê ma yê huqûqî nêrê qebûlkerdiş, ma do vajê 'HEQ, HUQÛQ, EDALET' û fek têkoşîna xo ra vera nêdê."