ŞEHBA - Bi rayberîya Rêxistina Kongreya Starî ya Herêma Efrînî bi sloganê, "Xoverdayîşê şar û gerîla do zorê xiyanetê PDKyî bero" rayrayîşêk girseyî kerdî û hêrişê hemverê Herêma Federal a Kurdistanî de ame şermezarkerdiş.

 

Bi amancê şermezarkerdişê hêrişê serê Herêma Pawitişê Medya ya Herêma Federal a Kurdistanî de bi sloganê, "Xoverdayîşê şar û gerîla do zorê xiyanetê PDKyî bero" bi rayberîya Rêxistina Kongreya Starî ya Herêma Efrînî de rayrayîşêk girseyî ame kerdiş. Rayrayîş qezaya Ehdas heta Baxçeyê qezaya Ehdasî ya Kantonê Şehbayî de ame kerdiş. Heme endamê Îdarekarê Xoser, cinîyê Efrîn û Şehbayî beşdarê rayrayîş bî. Rayrayîş de alê Rêxistina Kongreya Starî, fotografê Rayberê PKKyî Abdullah Ocalan û fotografê pekrewanê azadîye ameyî wedaritiş. Rayrayîş bi deqeyêk rêzgirewtiş seba cangorîyê azadîye dest pêkerd. Dimayê rayrayîşî endama Meclisê Cinîyan ê Partîya Yewbîyayîşê Demokratîke (PYD) Wahîde Xelîl qisey kerd.

 

Wahîde, qiseykerdişê xo de bale ant serê hemkarîya Partîya Demokrate ya Kurdistanî (PDK) bi Dewleta Tirkî dir û vat: "Ewro şarê ma tîya de serê  fikir û felsefeyê Rayber Apo de xo rêxistine û perwerde kerdo. Seba nê zî ma vejîyayê meydan û însanetî wazenê. Destpêkê nê şorişî de serrê 1990î de û heta roja ewro PDKyî xiyanetî ma rê kenê. Wa tu wext keyeyê Barazanî xo kurd nêhesibnê. Seba ke her tim  hemverê ma şer kerdo û xiyanet ma rê kerdo.

 

Ma projeyê Netewa Demokratîke ya ke heme netewî xo ci de vînenê û ca gênê, hemverê PDKyî û Dewleta Tirkî îşxalkerdoxî yo. Seba nê PDK bi hemkarîya Dewleta Tirkî bi heme hawayê wehşî hêrişê her çar parçeyê Kurdistanî kenê.

 

La ma sey cinîyê Efrînî tu wext rayîr nêdanê dişmin ke dest bierzê serê herra ma, ma nêverdenê ke hêrişê tutanê ma bikerê. Ma paştdayîşê gerîlayanê xo kenê. Bi xoverdayîş û têkoşînê yê ke pey fikir û felsefeyê Rayber Apo de yê kenê, ma do serbikewê."

 

Rayrayîş bi berzkerdişê sloganê, "Biciwîyo xoverdayîşê YJA STAR", "Bimiro xîyanet" û "Bê Serek cuye nêbeno" peynî bi.