Rozerîn Gultekîn 

 

STENBOL - Muxabîra 'Ekmek ve Gul' Elîf Ekîn Saltik dîyar kerd ke serdestîya mêrdeyî çapemenîye dir hereket kena û vat ganî çapemenîya hewze dest ziwan o ke cinîyan sûcdar keno ra verado û bi tewirêke objektîf nizdî bibo. 

 

Çapemenîya ke cinîyan bi qalibê eşkera kerde de sînor kena, wexto cinî nê qaliban ra vejîyena zî hedef mojnena ra. Sîstemê serdestîya mêrdeyî zî bi çerxê çapemenîya serdestîya  mêrdeyî hereket kena. Fînaka peynî Pendîkê Stenbolî de ame ciwîyayîş. Cinîya ke 6 mengî stara de mende û vera ke nêeşkabî biewno tuta xo ra verê berê awanîyî de verda, dimayê ke nasnameyê aye ame tesbîtkerdiş apey bi hetkarîya çapemenîya hetkare seba cinî hetê komele ra bêro kerrakerdiş, teşhîr kerd. 

 

Mecrayêke duştê çapemenîya hetkare de: Emek ve Gul 

 

Emek ve Gul,  di 2008î de bi amancê paştdayîşê cinî û şerê duştê serdestîya mêrdeyî de dest bi weşaneyî kerd. Di 2008î de badê programê Emek ve Gul yê Televîzyonê Hayatî apey komêke cinî xo bi nê nameyî organîze kerdî û pîl bî. Ekmek ve Gul bi yewîyî û paştdayîşê cinîyan sey 'web portal' rayîrê xo de şino. Ekmek ve Gul 3yê Nîsane  pey ra 14 û ekmekvegul.net zî kewt 5 serrî ya xo. 

 

Muxabîra Ekmek ve Gul Elîf Ekîn Saltik derheqê babete de erjnayîş kerd. 

 

'Ganî ziwanê çapemenîye  bêro munaqeşekerdiş' 

 

Elîfe da zanayene ke ganî ziwanê çapemenîyî ya ke di îstîsmar û şîdetê hemverê cinîye de ya bêro munaqaşekerdiş. Vera ke çapemenîyî de hemverê cinîyan de ziwanê ke cînsîyetperestî yeno xebetnayîş û wina vat: "Ma ewro wexto ro çapemenîya hetkare û çapemenîyê ke ma vanê muxalîfê hinî nuqteyan de hetê dayîşê xeberan de probleman ciwîyenê. Vêşêrî ke ferqê nê de bê; cinî sey dadîya başe, cinîya başe, heskerdeya başe mojnenê ra. Yanê ma çapemenîye de bi ziwanê ke cînsîyetperestî dir yenê rî bi rî. Ma ewro xeylêke xeberan de vînenê û seba ke ma duştê nê de vinderê ma hewl danê ziwanê çapemenîyê xo ware bîyarê. Ma hewl danê ke ziwanêke cinîyan xurt keno bêro wareardiş." 

 

'Sîstemê serdestî ya mêrdeyî bi paştdayîşê çapemenîyî dewam kena' 

 

Elîfe dewamîya qiseyanê xo de qal kerd ke sey Ekmek ve Gul hewl danê ke wareyê weşangêrîyî de nîyadîyayîşê cinî awan bikerê û Jin News zî sey ajansê ke ra hewl dano  nê nîyadîyayîşan ware bîyaro.  Elîfe nê çîyî beyan kerdî: Çapemenî seba îqtîdarî wareyêk zaf muhîme ya. Îqtîdar çapemenîyî sey hêzî xebetnena. Serê çapemenîyî ra hewl dano komele rayîr de bero. Bi vatişê cînsîyetperestî yî hemverê cinîyan de wazeno sîstemê serdestî yê mêrdeyî bidomno. Azadîya cinîyî zî sînor kenê." 

 

'Dewlete serê verpersîyarîyî padana' 

 

Elîfe dîyar kerd ke îqtîdar bi hetkarîya çapemenîyî serê verpersîyarîyê xo padano û dewlete hewl dana ke kemanîyê înan nêrê vînayîş û nînan manî bikerê. Elîfe vat fînaka peynî zî hêrişê serê çapemenîya dîjîtale ya hemverê cinîya  ke bêçare menda  tuta xo verdo de, ame vînayîş.  Elîfe wina dergî dayî qiseyanê xo: "Sere ra 'Dadîyêka xiraba' hêrişê cinî kenê û xebere de wina gênê dest. La ma peynî na xebere de zanenê ke na dadîye seranserî ciwîya şîdetî vînayo, hetê dewlete ra nêameya pawitiş." 

 

'Muxabîrêke objektîf' 

 

Elîfe peynîyê qiseyanê xo de qal kerd ke dadîya ke tuta xo verdaya sey neyarî ameya vînayîş û la hemşîreya ke tute dir eleqedar bîya pîroz ameya vînayîş û bale ante serê dûrîyîya çapemenîyî: "Ganî mekanîzmayê torê paştdayîşî yê cinîyan xurt kenê, bibê. Ma nê mekanîzmayan vanê. Ma hewl danê ke nê ziwanî awan bikarê.  Awankerdişê nê ziwanî tercîho. Wezîfeyê ma no yo ke ma hetê cinîyan de ziwan bixebetnê. Hedefê ma çapemenîyêke objektif o."