RIHA - Keyeyê Şenyaşarî dîyar kerd ke seba serdozgerî hetgirî keno, zilmê verê Edlîyeyê Rihayî dewam keno.

 

Nobeta Edaletî ya Emîne Şenyaşar û lajê ci Ferît Şenyaşar ke 9ê Adara 2021 de verê Edlîyeyê Rihayî dabî destpêkerdiş, roja 410ine de dewam kena. Keye sey her siba Pirsûs ra ame verê edliye û nobeta xo da destpêkerdiş.

 

Keye serê hesabê xo yê Twitterî de nê pare kerd: “Her zûr û bêbextîyê ke yenêkerdiş, benê deyndarê rastî. Heme rastîyê derheqê dewaya ma de vejîyayî werte. Serdozgerî demo ke eşkera hetgirî keno, zilmê verê Edliyeyê Rihayî dewam keno. Ma do qet baweriya xo ya bi edaletî vînî nêkerê."