Marta Somek

 

STENBOL - Endame ya Konseyê Merkezê ÎTOyê  Komîteya Tertîpî yê 1ê Gulane Dr. Çîgdem Arslane da zanayene ke 1ê Gulane ra wextêk kilm  mend û wastişê karker û kedkaran ê tewr pîl heqê ciwîye, debare û sitarbîyayîşî yê û wina  vat: "Bêrê ma hewêna meydanan de hêze û yewîyîya xo bimojnê ra. Wa her kes 1ê Gulane de meydanê Maltepeyî de bo." 

 

Krîzê ekonomî roj bi roje giranêr bena û zemê yenê kerdişî dir şarî sînorê vêşanî de ciwîyenê.  Serokkomarê AKPyî  Tayîp Erdogan ke hewl dano ekonomî weş bimojno ra,  şar vera vayîya zêdeyêrî nêeşkenê vejîyê dayîş û herênayîşî. 1ê Gulane Roşanê Karkeran rê zî wextêke kilm mend û  do karkerî bi waştişê xo meydan de bê. 

 

Adresê emsarî Maltepe yo 

 

Karkerî bi waştişê xo yê seba 1ê Gulane xo bi tewirêke  xurt hadre kenê û  Konfederasyonê Sendîkayê Karkeranê Şoreşgêrê Tirkîyayî(DÎSK),  Konfederasyonê Sendîkayê Kedkarê  Îstîmlakî(KESK),  Odeyê Mîmarî û Endezyarê Tirkîyayî(TMMOB),  Yewîyîya Tabîbanê Tirkî(TTB) û Yewîyîya Hekîmê Didananê Tirkîyayî(TDB) 8ê Nîsane de Merkezê Pêroyî yê DÎSKê Stenbolî malûmatêke da çapemenîyî û programê 1ê Gulane eşkera kerdbî û her kes dawetê meydanan kerdî. 13ê Nîsane de Komîteyê Tertîpî yê 1ê Gulane Meydanê Barbarosê Beşîktaşî de ameyî têhet û vatî do emsar 1ê Gulane de Stenbol de bi sloganê  'Ma do têreyde bibedelnê' do meydanê Maltepeyî de bê. 

 

Endamê Konseyê Merkezê ÎTOyî Komîteyê Tertîpî yê 1ê Gulane ra Dr. Çîgdem Arslane derheqê hadrekarîyê 1ê Gulane de erjnayîş kerd. 

 

'Ma do hêrsê xo bîyarê ziwan' 

 

Çîgdeme da zanayene ke no wextêk derg o krîzê ekonomîyî domneno, pandemîyî dir hema zafêr giran bîyo û binpaykerdişê ke pîlî yê kede û feqîrî vejîyayê meydan. Çîgdeme vat, nê prosesî de hem karkerî, hem xebatkarî, hem kedkarê weşîyî zaf zêdeyêrî mexdûr bîyê, do 1ê Gulane de hêrs û waştişê xo  bîyarê ziwan. 

 

'Debare nîna kerdiş' 

 

Çîgdeme dewamîya qiseyanê xo de wina vat: "Pandemîyî binpaykerdiş û krîzê ekonomî zî wareardê. Merdimê ke nê ferq kerdê wayîr ro xoza vejîyayê. Îkîzdere û Akbelen de xover dayî. Xoverdayîş tena nê xoverdayîşê xozayî bî, bi xoverdayîşê kede dewam kerd. Kedkarê weşîyîyî prosesê krîz û pandemîyî de meydanan de bî. Mîtîngî ameyî kerdiş. Ma vatişê xo vat. Ma vat, ma nêeşkenê debara xo bikarê. Hêzê demokrasîyî, organîzeyê kede û pîşeyî vatî ma nêeşkenê debara xo bikarê û vejîyayî kuçeyan.  Bî Serrêk ke yo debare nêameya kerdiş. Pandemîyî tesîrêke pîl serê komele de kerd. Şertê pandemîyî tesîrêke giran serê her hetî de kerd. Coka nê ma do 1ê Gulane de bi waştişê xo kuçeyan de bê." 

 

'Ma do 1ê Gulane de zî û 29ê Gulane de zî meydanan de bê' 

 

Çîgdeme dîyar kerd ke serra 2021î û 2022yî bi xoverdayîşê karkeran ke derbas bîyê û wina vat: "Karkerê Tendyolî, Mîgros Depo xover dayî. Bi qezencî netîce bî. Komele de veng dayî. Do dewamîya ci  bêro.  No hetê hêzê serekîya kedkaran de muhîm bî. Wextêke derg o ma karkerê weşîyîye zî çalakî û grevan kenê. Do menga Gulane de zî çalakîyê ma bibê. Ma do 1ê Gulane de zî 29ê Gulane de zî meydanan de bê. Ma do waştişê xo reyêna reyêna bîyarê ziwan." 

 

'Ma do Maltepeyî pirr bikerê' 

 

Çîgdeme ard ziwan ke hadrekarîyê 1ê Gulane bi serekîyê KESK, DÎSK, TMMOB, TDB, TTB  bêrê vînayîş zî heme hêzê kede, serekê demokrasîyî û sendîkayî têreyde awan kenê û wina ci de şî: "Pêvînayîşê Walîtîyî de emsar seba Taksîmî destûr nêame dayîş. Ma do 1ê Gulane  meydanê Maltepeyî de pîroz bikerê. Ma do meydanê Maltepeyî pirr bikerê. Hadreyîyê ma dewam kenê. Civatî dewam kenê. Ma 13ê Nîsane de vilawekî vila kerdî. Heta 1ê Gulane do vilawekî bêrê vilakerdiş û do beyanatî dewam bikerê. Do 1ê Gulane roja bi hetkarîyê bi coşî yena pîrozkerdiş bo. Ma têreyde xurtê, ma zanenê ke ma têreyde hinî zafêr xurtê." 

 

'Ma do têkoşîna xo hema zafêr pîl bikerê' 

 

Çîgdeme wina peynî ro ci ard: "Ma wazenê na 1ê Gulane de bibê vengê şarê bindestî û kedkaran. Ma meydanan de hewêna bimojnê ra ke, ê bi hetkarîye xurtê û ma do mesajê xo bidê. Ma do bi waştişê seke karo bi bi ewleyî, ciwîyayîşêke merdimkî, dormeyêke azad û demokratîk maydanan de bê.  Ma do seba waştişê xo yo ke do 1ê Gulane de bêro ziwan têkoşîna xo zî bidomnê. Ma 1ê Gulane de bimojnê ra ke ma çiqas xurtê."