RIHA - Emîne û lajê xo Ferît Şenyaşarî yê ke têkoşîna xo ya edaletî domnenê no mesaj pare kerd: "Tirkîya de neynikê edaletî vernîyê Edlîyeyê Rihayî de yo. Rojêk do bêro heme persêrî ke di dewaya qirkerdişîya nêweşxaneyî de îmzayê înan estê do verê hukmê xoserî de hesab bidê." 

 

Çalakîya 'Nobeta Edaletî' ya  Emîne û lajê aye Ferît Şenyaşarî verê Edlîyeyê Rihayî de roja 409ine de dewam kena. Dadî û laj saetê serê sibayî de keyeyê xo yê qezaya Pirsûsî ra ameyî verê Edlîyeyê Rihayî. Keyeyî meydano ke seke 'Quncikê Kayeyê Şenyaşarî' yeno binamekerdiş pankarto ke serê ci de, "Di lajê min û mêrdeyê mi nêweşxane de qetil kerdî!  Kesêke zî nêameyo tepiştiş! Bi fermanê serdestan lajê  mi 4 serrî yo di hucreyêka yew kesî de yeno tepiştiş. Ez wazena lajê mi lezkî bêro veradayîş. Seba Keyeyê Şenyaşarî seba her kesî edalet!" nusîyayê,  barîyerê betonî wa aliqna û dest bi nobete kerd. 

 

Keyeyî serê hesabê xo yê Medyaya Dîjîtale de zî no mesaj pare kerd: "Tirkîya de neynikê edaletî vernîyê Edlîyeyê Rihayî de yo. Rojê do bêro heme persêrî ke di dewaya qirkerdişîya nêweşxaneyî de îmzayê înan estê do verê hukmê xoserî de hesab bidê."