AMED - Roniştişê dewaya Hemserekê HDPyî yê Amedî Zeyyat Ceylan û Hemsereka HDPyî ya Amedî ya verê Hulya Alokmen seba kêmîyê dosyaye, ame taloqkerdiş. 

 

Hemserekê HDPyî yê Amedî Zeyyat Ceylan û Hemseroka HDPyî ya Amedî ya verê Hulya Alokmen bi îdiayê “endamîya rêxistine” û “propagandaya rêxistine kerdê” yenê muhakemekerdiş. Roniştişê dewa Dadgeha Cezaya Giran ya Amedî ya 5ine de ame kerdiş. Hulya Alokmen ke nika Zîndanê Xarpêtî yê Cinîyan de tepişte ya û Zeyyat Ceylan tewrê roniştişî nêbî. Avûkatê înan Mehmet Oner roniştiş de amade bi.

 

Dozgerî û avûkatî waştî kêmîyê dosye de yê bêrê temamkerdiş. Dadgehe zî seba ke kêmîyê dosya de bêrê temamkerdiş, roniştiş taloqê 27ê teşrîna verêne ame kerdiş.