ANQARA - Netîceyê malûmatî yê Komeleya Meclîsî ya Partîya HDPyî ame eşkerakerdiş û wina ame vatiş: "Îqtîdar,  seba vêşanbîyî û feqîrîya girane binimno, dest bi operasyonan kerd. Ganî rayaumûmîye ya Tirkîya û hêzê demokrasîyî na rastîye bivînê!"

 

Netîceyê malûmatî yê Komeleya Meclîsî ya Partîya Demokratîke ya Şaran(HDP)î ke 17ê Nîsane de bi beşdarîyê Hemserekê Pêroyînî, Pervîn Bûldane û Mîthat Sancarî ame ca û ame eşkerakerdiş.

 

Encamnameyî de ame îlankerdiş ke, krîzê zafhetî yê ke dinya hêsîr girewtê, şerê hegemonîyê ke hêzê emperyalîstî giranêr kenê û îşaretê şerê Rojhelatê Mîyanînî, Vakurê Afrîkayî û Ûkraynayî ame kerdiş.

 

Encamnameyî de ame eşkerakerdiş ke kapîtalîzmî her ke seba derbaskerdişê krîzî game erzenê; karkerî, kedkarî û şar pelçiqîyeno û wina qal kerd: "Ma venga lezkî kenê. Şerê Rusya-Ûkraynayî ganî cade peynî bibo, peynî ro kiştişê merdiman bêro ardiş!

 

Netîcenameyî de hêrişê Dewleta Tirkî yê  serê Başûrê Kurdistanî û Vakur û Rojhelatê Sûriye de ca girewt wina ame vatiş: "Atmosferekê de ke şerê Rûsya-Ûkraynayî dewam keno, îqtîdarê Tirkîya zî hêrişê serê Herêma Kurdistanî û Îdarekarîya Vakur û Rojhelatê Sûrîye giran kerdo. Hêrişê leşkerî yê 'Kîlît Pençe' ke nê gamî herra Îdarekarîya Herêmî ya Kurdistanî yeno kerdiş, yew nê hêrişê zêdeyî 40 serrî yo yeno kerdiş û çareserîya problemê kurdî xetimneno.

 

Îqtîdar nê operasyonan seba nixumnayîşê krîzê ekonomî, vêşanî û feqîrî bi ca ano. Ganî rayaumumî yê Tirkîya û hêzê demokrasî nê rastî bivînê. No şer seba welatî nîyo, la seba mendebîyayîşê tifaqê AKP-MHPyî yo. Welat û Rojhelatê Mîyanên bi aştiya bi rûmet ê serê bingehê têduştîyê şaran eşkenê bi hizûr bibê."