MERKEZÊ XEBERAN - KON-MEDî neqlkerd ke, dewlete ya Tirkî bi hêrişê hewayî û bejîyî hewêna huqûqê mîyanneteweyî binpay kerdê. 

 

Konfederasyonê Komeleyê Kurdistanîyê Almanyayî de (KON-MED) bi neqlkerdişêke razînêbîyaye mojna hêrişê dewlete ya Tirkî. 

 

Neqlkerdişê KON-MEDî  wina yê: 

 

"Dewlete ya Tirkî ya îşxalkerdoxe verê çimanê pêroyê dinya de bi polîtîkayê qirkerdişî Kurdistan îşxal kenê û hêrişê duştê şarê Kurdî de dewam kenê. Bi nê hêrişan wazenê Şarê Kurdî bê statu verdê û destqezencîyan çinî bikerê. Dewlete ya Tirkî bi hetkarîya  PDKyî û bi paştgirewtişê hêzê mîyanneteweyî wazena netîce bigîro dest xo. Duştê faşîzmê AKP-MHPyî de her wareyî de şarê ma serewedareno û di Newrozê 2022yî de wuştî  serewedaritiş û verperso tewr pîl da. Îşxalkerdoxê ke nêeşkenê xo tîya de rabigîrê destpêkerdişî de zîndanan de hêrişê tepişteyan ê sîyasî yê hêsîran kerdî û qirkerdişî kerdî. Nika zî hêrişê Mintiqayê Pawitişî yê Medyayî kenê û wazenê xoverdayîşê gerîllayî bişiknê. 

 

Duştê nê heme hêrişan de, Gerîllayê Azadîyî ke çar perçeyê Kurdistanî de tena umîdê Şarê Kurdî yê, xoverdayîşêke destanî nîşan danê û Şarê Kurdistanî û destqezencîyê înan pawenê. Dewlete ya Tirkî ya îşxalkerdoxe, nê hêrişê îşxalkerdoxîyê bêexlaqî de bombeyan dewan de varinena û qirkerdişan kena. Hêrişê bîyayeyî yê hewayî û bejîyî dir dewleta Tirkî ya îşxalkerdoxe hewêna huqûqê mîyanneteweyî binpay kena û sûcê şerî kena."

 

Şarê Kurdî do hemverê nê hêrişan de wayîrê tutanê xo vejîyê, hemverê îşxalkerdişî, şerê qirkerdişî û xiyanetê PDKyî her ware de bêmabên xo ver bidê.

 

Nê ser de bingehê bi nameyê KON-MEDî ma veng şarê xo yê Elmanya kenê û heme dostanê xo yê hemverê şer kenê ke bi ruhê seferberî beşdaê çalakiya 18ê Nîsane bibê.