ANQARA - Wekîle ya Hemserekê Komîsyonê Şaran û Bawerîyan ê HDPyî ra verpersîyare Tulay Hatîmogullari, Roşanê Armenîyan ê Paskalyayî pîroz kerd û no pêşnîyaz kerd: "Ez umîd kena ke no roşan seba  şaran bibo mijdîyanîya azadî û edaletî." 

 

Wekîle ya Hemserekê Komîsyonê Şaran û Bawerîyan ê Partîya Demokratîke ya Şaran (HDP) ra verpersîyare Tulay Hatîmogullari, derheqê Roşanê Paskalya (Hakosûr) yê Armenîyan de beyanatêke nuştekî weşêna. 

 

Tulaye îşaret kerd ke şarî û bawermendî bi qerar ê ke  têkoşîna xo yê seba erdnîgarîyêke ke kulturê xo, ziwanê xo yê zayîşî ra û nasnameyê xo mîyanê şert û mercê seyyewbînîye de têreyde biciwîyê, bidomnê û vat: "Ma Roşanê Paskalya yê heme Armenîyan pîroz kenê. Roşanê Paskalyayî, Roşananê  Armenîyan ra yew roşanê ke muhîm o. No roşan mabênê 17 û 24ê Nîsane de hetê Armenîyan ra ke serrnameyo kanî ra xebetnenê yeno pîrozkerdiş." 

 

Tulaye vat ke: "Ma pêşnîyaz kenê ke, bi nê hakanê renginan ê nê roşanî de, Rojhelato Mîyanîn de û temamê dinya de ke miletî yenê yewbînî kewtene, ciwîyayîşêke newe bêro wareardiş. No roşan seba şaran bibo mijdîyanîya aştî, edalet û azadîye."