MERKEZÊ XEBERAN - Afrîkaya Vaşurî de vera varano zêde laser wuşt we. No laserî de tewr kemî 300 merdimî ciwîya xo bedilnayî. Bobelate de bi hezaran banî xerepîyayî. 

 

Mintiqayê Kwazûlû-Natalî ya Afrîkayî ya Vaşurî de laserêke pîl wuşt we. Ame eşkerakerdiş ke no 60 serrî yo peyîn de  lasero tewr xedar bîyo. Goreyê sazgehê îdarekarîya bobelatan, Kwazûlû-Natalî de 306 merdimî ciwîya xo bedilnayê. 

 

Serokkomar Cyrîl Ramaphosa wexto ke şî serdayîşê  keyeyan ke merdimê înan ciwîya xo bedilnayî, vat: "Zaf rijîyayê. Rayîrî rijîyayê. Şarê ma birîndar bî. Na bobelatêka pîl a." 

 

Artêşa Afrîkayê Vaşurî zî seba vetişê merdiman hewa ra paştdayîş da. Goreyê îdarekarê mintiqayî bi hezaran banî xerepîyayê û laserî  tewr kemî serê 140 dibîstanan de tesîr kerd. 

 

Hinî welatê Afrîkayî de heta menga Nîsane firtoneyê xedarî şaristanan de xo mojnenê ra, la Afrîkaya Vaşurî de rewşa wina zêdeyêrî nîna ca.