ŞIRNEX - Qezaya Hezexî de netîceyê teqayîşê cismêk ke nêzdîyê Qereqolê Cendermeyan de ame vînayîş de 2 tutî birîndar bî. 

 

Sercan E. (15) û Mûrat E. (15) serre ke dewa Kîvex ya qezaya Hezexî ya Şirnexî de heywanê xo yê vînîbîyaye gêrayîne, netîceyê têqayîşê cismê ke vînayî de birîndar bî. Dimayê ke welatiyê derûdorî ferq kerdî Sercan û Mûrat E. bi ambûlans wedarnayî Nêweşxaneyê Dewlete yê Hezexî. 

 

Keyeyî diyar kerd ke cayê cismê tutanê înan dîyo û teqyayo nêzdîyê Qereqolê Cendermeyan ê Kîvexê yo. Ame diyarkerdiş ke dermankerdişê nêweşxaneyê di tutê ke çokê xo ra birîndarbîyê dewam keno û rewşa înan baş a. Ame neqlkerdiş ke cendermeyan derheê teqayîşî de îfadeyê tutan girewto.