MERKEZÊ XEBERAN - Bi sûcdarîyê “hemverê qanûn û exlakî xebatan kenê” dewaya fesihkerdişî Komeleya Platformê Ma do Vernîya Cînayetê Cinîyan Bigirê ame akerdiş. 

 

Dewaya padayîşê Komeleya Platformê Ma do Vernîya Cînayetê Cinîyan Bigîrê (KCDP) ame akerdiş. Komele derheqê dewaya padayîşî de eşkerayîye nuştekî weşana û dîyar kerd ke vernîya 12 serran kewtê rayîr û dosyayê cinîyê ke dinyaya xo bedilnayê hetê dadgehan ra ameyê padayîş, înan rê yenê neqlkerdiş.

 

Dewamê eşkerayîye komele wina vat: “Bi îddîayê bêhuqûqî û tu bingehê înan çin o bi sûcdariyê ‘Hemverê qanûn û exlaqî de xebatan kenê’ dewaya feshkerdişî komeleya ma rê ameya akerdiş. Îdîayê înan oyo ke gerreyê cîyayê hemverê komeleya ma hetê dadgehe ra gumanê sûcî awan kerdê. Nê muracatanê nuşteyî de zî yeno diyarkerdiş ke ‘Binê banê pawitişê heqê cinîyan de wazenê keyeyî çin bikerê û keye parçe keno’. Bi nê îddîayê bêhuqûqî û xo nêsepernenê tu rastî wazenê sûcêke ma rê bar bikerê. Ganî pêro rayaumumî bizano ke Platformê Ma do Vernîya Cînayetê Cinîyan Bigîrê vernîya her edliye de çalakî kerda. Seba ma na dewa têkoşînê cuya ê cinîyan û têkoşîna têduştî û azadîye ya.”