ANQARA - Temsîlkara serekîya pêroyî ya EMEPî Selma Gurkan dîyar kerd ke qanûnê weçînayîşî bi amancê vernîya sîyasetmedarê kurdî ameyo kerdiş û vat: "Îqtîdar qanûnê tifaqî bixo vejo zî vîneno ke hêzê mutefîk yê hemverê înan tehdîdêk o û bi sererastkerdişê qanûnan wazeno vernîya tifaqan bigîro.”

 

Qanûnê Weçînayîşî yê hetê AKP û MHPyî ra yeno amadekerdiş, pêwa heme munaqeşeyan Heyetê Pêroyî de yeno munaqeşekerdiş. Goreyê qanûnê paweyê weçînayîşî do se ra 7 bo. Bi pêşnîyazê 15 madeyî seba partîya sîyasî bikewê weçînayîşî şertê awankerdişê koma Meclîsî ra bêro wedaritiş. Qanûnê ferzkerdişî 6 mengî verê weçînayîşê tewr tay 41 merkezî do rêxistinbîyayîş temam bibo, hewêneno. Bi nê madeyî yeno plankerdiş vernîya transferê parlamenterî bêro padayîş û demêk kurt weçînayîşan rê bimano, vurnayîşê cayê weçînatoxan mimkin nîyo. Seba nê zî adresî serrêke yê weçînatoxî do esas bêro girewtiş. Goreyê pêşnûmeyê serek û endamê heyetê weçînayîşî yê merkez û qezayan mabêne dadgeran de bi pişke do bêro dîyarkerdiş û serekê heyetê weçînayîşê merkezî do netîceyê na pişke de bêrê dîyarkerdiş. Seba endamîya heyetê sindoqe zî endamê bînî yê partîya ci nêrê ramojnayîş.

 

Temsîlkara serekîya pêroyî ya EMEPî  û endama Platforma asayîşê Weçînayîşê Adîlane Selma Gurkan derheqê qanûnê weçînayîşî de qisey kerd.

 

'Seba vernîgirewtişê sîyasetmedaranê kurdan ame vetiş'

 

Selma dîyar kerd ke weçînayîşê bîyaye sîstemêk demokratîk nîyo û vat: "Tifaqê Cuhmur demê peyîn de seba îqtîdarîyê xo muracatê her rayîrê keno. Derheqê mudaxalekerdişê weçînayîşan de zî hewldayîşê ci estê. Verê rayê bi mohr ameyî xebitnayîş. Pusulayê bê mohr derbaz nêkerdî. Weçînayîşan de heme çimeyê dewlete seba propagandayê îqtîdarî ameyî xebitnayîş. No sererastkerdişê nika vetê zî bi amancê vernîgirewtişê siyasetmedaranê kurdan o û nêwazenê bikewê meclîs."

 

‘Rayîrê meclîsî padanê'

 

Selma wina dîyar kerd: "Seba temsîlkarîyê sinifa karkeran bi ca nêro, qanûnê weçînayîşî ame awankerdiş û seba feqîrî meclîs de ca nêgîrê sîstemêk ame awankerdiş. Sererastkerdişê derheqê qanûnê weçînayîşî de seba vernîgirewtişê komelî, muxalefetê sîyasî, sinifa karkeran a û wazenê rayîrê ke ê şinê padanê. Bi amancê tedbîrî nê kenê. Her çî nîşan dano ke şar paştdayîşê xo yê seba hukmatî anto. Nê xebatê ma yê fabrîka, sanayîyan de yeno vînayîş. La îqtîdar bi qanûnê weçînayîşî kay keno û wazeno tahkîm bikero."

 

Sererastkerdişê derheqê tifaqan de

 

Selma dewam de wina vat: “Tifaqê Cumhurî wazeno sîstemêko otorîter ê rejîmê sîyasî yê yew camêrdî awna bikero. Ma partîya KEDî serê rejîmî de sîyastêk newe yê goreyê lazimîyê şaran, nîqaşan kenê. Metodêke ma vanê, rayîrê hîrên,  parçeyê munaqeşekerdişê rejîmê sîyasî yo. Şertê welatêkê demokratîk bi têkoşîn mimkun o. Bi têkoşîn eşkeno bêro bidestkerdiş."

 

Seba organîzekerdişî vengdayîş

 

Selma qiseykerdişê xo wina qedêna: “Eke sîstemêk weçînayîşî yê adîlane û bawermend çinbo o wext şansê cinîyan ê serkewtişî zî çin o. Ma ser de gelo ma eşkenê senîn rêxistinbîyayîş bikerê munaqeşe kenê. Bi 8 mengî yo ma xebatan kenê. Eke zemînêk rast de xebate bêrê kerdiş fikrî bibê yew do averşîyayîş baş bibo."