ANQARA - Vervatoxa HDPyî Ebru Gunay kombîyayîşê çapemenî de rojdem ercna.

 

Vervatoxa HDPyî Ebru Gunay merkezê partîya xo de kombîyayîşê çapemenîye kerd û rojdem ercna.

 

'Do şarê Kurdî mesajê Newroze rê wayîr vejîyo'

 

Ebruye bale ant serê mesajê Newroze û vat: "Şarê kurdî mîyanê pêro şert û mercan de seba polîtîkayanê haştîye û çareserîye têkoşîn keno. Heta ke haştîye bêra caardene û berê Îmraliyî bêrê akerdene no têkoşîn do dewam bikero."

 

'Tirkîya çareserî rê dûr kewena'

 

Ebruye dîyar kerd ke Tirkîya seba çareserî çîyêk nêkena û vat: "Îqtîdar ça de pêşnîyazêkê çareserîye est bo hêrişê ci keno. Mîsalê ney o tewr zelal zî polîtîkayê vera Îmraliyî yê. Eke Ocalan bikewo dewre îmkanê çareserîye û haştîye xurtêr benê. Îqtîdar çareserîye vera estbîyayîşê xo sey tehluke vîneno. Rijîyayîşê dewlete xemê înan de nîyo. Îqtîdar pê xorinkerdişê polîtîkayanê şerî wazeno xo mende bikero. Newroze de şarî waşt ke berê Îmraliyî bêrê akerdene û sey adresê çareserîye Birêz Ocalan nîşan kerd. Muracatê pêvînayîşî yê keye û avûkatanê Ocalanî yenê redkerdene. 4ê Nîsane de zî bi seyan kesan waşt ke xo biresnê Amara la ê zî ameyî astengkerdene."

 

'Tecrîd çareserî ra dûr fîneno'

 

Ebruye bale ant serê tecrîdo girankerde û vat: "Polîtîkaya tecrîdî Tirkîya çareserîye ra kena dûrî. Şarê kurdî mîyanê pêro şert û mercan de seba polîtîkayanê haştîye û çareserîye têkoşîn keno. Heta ke haştîye bêra caardene û berê Îmraliyî bêrê akerdene no têkoşîn do dewam bikero. No seba demokratîkbîyayîşê Tirkîya zî girîng o. Têkoşîn seba ney zî hewce yo." 

 

'Vera ke şerm û fêdî bikerê hewl danê sûcdaran peyda bikerê'

 

Ebruye qalê krîzê ekonomîye zî kerd û vat: "Serekkomar nika vano; 'ma do zerrîya xo de nêverdê bi kesê ke çim veradayîşê nanî.' Serekkomar Erdogan vano ke do zerrîya xo nêverdo bi Serekê Pêroyî yê AKPyî Erdoganî ke vatêne faîz sebeb û enflasyon netîce yo. Her ke Serekkomar Erdogan faîz fîneno, xo Serekê Pêroyî yê AKPyî aciz keno ke hem hem faîzê reel û enflasyonî zêde keno. Seba ke nê welatî de tewr zêde qezenc kenê, AKPyij ê. Yê ke çim kerdê nnaî şarî hetgirê AKPyî yê. Vera ke şerm û fêdî bikerê hewl danê sûcdaran peyda bikerê. Hewce nêkeno şima sûcdaran bigêrê. Hema wa Erdogan û koma xo eynike ra biewnê bes o."

 

Tewr peyîn Ebruye veng da Meclîs ke tewr lez kom bibê, KDVyê serê heme lazimîyê cuye wedarnê û OTV cuye şarî ra vejê.