Dîlan Babat

 

ANQARA - Tepişteya nêweşe Muhlîse Karaguzel, waşte ke ajansê ma rê mektubêke bişawo. Mektuba aye ke 3 rîpelan ra yena meydan, 2 rîpel hetê îdarekarîya zîndanî ra ameyî desteserkerdiş û rîpelek zî ame sansûrkerdiş.

 

Tepişteya nêweşe Muhlîse Karaguzel ke Zîndanê Bunyanî yê Kayserî de tepişte ya, derheqê têkoşînê cuya xo de waşt mektubêke ajansê ma rê bişawê, 2 rîpelê mektuba hetê îdarekarîya zîndanî ra ameyî destserkerdiş, rîpelê bîn zî ame sansurkerdiş. 

 

Rîpelê ke resa destê ma wina yo:  

 

“Ez Muhlîse Karaguzele, 59 serrî ya û 4 tutê mi estê. Serra 2019 de demê hemsereka Partîya Demokratîke ya Şaran (HDP) bîya, ameya tepiştiş. Tewrbîyayîşê min ê partîya fermî sey, ‘endama rêxistine' ame erjnayîş û muhakamekerdişêk adilane nêame kerdiş. 8 serrî û mengêke ceza mi rê birnayî. No bêhuqûqî ke ame kerdiş qîm nêkerd eynî dosya de di dosya bînî zî akerdî û serrêke bîn zî akerdî û serrêke bîn zî mi rê ceza dayî. Nêzdîyê 3 serrî yo mîyanê şert û mercê nêbaş ê zîndanî de ciwîyena. Nêweşîya şekir, tansiyon, astim û qelbî mi dir esto. Seba şertê giran mi krîzê qelbî derbas kerd û di rey anju bîya. Seba ke nêweşîya min a qelbî giran a ez o reyke bîn zî anju bibî. Pêwa nêweşîya qelbî seba berzbîyayîşê şekir û tansiyon da çimanê mi ro ez çiman ra 4 rey anju bîya. Ganî ez reyke bîn çimanê xo ra anju bibî, seba ke rewşa çimanê mi xirab a. Hende...

 

Tedayê serê kurdî

 

... Zîndan bi zîhnîyetê darbeyê serran ê 80yî yenê îdarekerdiş û caardişê tewr tehluke hemverê merdiman yenê kerdiş. Ez nêweşa şekirî ya û demo ke werdê sey birînc û kartol yenê, ez rewşa xo bi waştişname qal kena. Cewabê waştişnameyê mi de vanê, 'çîyêk wina çin o.' Dimayê nê, demêk goreyê lîsteya mi werd şawenê. Dimayê demêk kilm reyna sey xo kenê. Tesîrê krîzê ekonomî tewr zêde zîndanan de xo ramojneno. Zîndan zaf tay tewirê marka yê werdî estî û xeylêk vay ê. Ma goreyê rewşa ekonomîya keyeyê xo nêeşkenê têbigeyrê. Tedayê serê kurdî zêde yê û seba ke safîkerdişêk nîno kerdiş zî her ke şino nê tedayî zêde benê. Bi bahaneyê ke tercûmanê bi kurdî zanê çin ê, ma ne eşkenê mektuban binusê û ne zî kes eşkeno ma rê mektuban bişawo. Kitabê kurdî yê ke qedexe nîyê zî tena seba ke bi kurdî yê nêdanê ma. Ma derheqê nê caardişan de gerre kenê la tu cewab ma rê nîno dayîş.

 

Ma bi hêvî û bawerîya ke 8ê Adare pîya pîroz bikerê ciwîyenê

 

... Vernîya ma de 8ê Adare esta. Tena rojêke ney wa heme rojî bibê ê cinîyan. Waştişê ma oyo ke dinyayêke bi cinîyan dir ameyo weşkerdiş, bêro awankerdiş. La demo ke ma ewro ewnîyenê, her roje cinî yenê qetilkerdiş. Tu cinî nê heq nêkenê. La çi heyf reyna zî cinî yenê qetilkerdiş û tutî bê dadî manenê. Dadî û tutî wazenê rojê weşî bivînê. Zîndanan de xeylêk cinîyê tepişteyî estê. Ez seba pêro cinîyan vana. Ganî tu cinî zîndanan de nêro tepiştiş. Ma heme bi hêvî û bawerîya ke ma rojanê taybet verê keyeyê xo de, şarê xo û dostanê xo de biciwîyê. Çimanê tutanê ma zî ro ma yo. Her rojanê taybetî yê sey roja dadîyan de hewl danê ke nê rojan ro ma rê pîroz bikerê. Ma zî pey dêsanê betonan de roja şima cinîyanê ke zerrîya înan weş û ruhê înan azad o pîroz kenê...

 

Muhlîse Karaguzel seba şima hemine rê destequrnefîl.