AMED - Bi serkêşîya Komeleya Ekolojîye, Amed de seba aşma nîsane kampanyaya ronayîşê leyîyan dîyabî dest pê kerdene. Wendekarê MED-DERî paştî dayî kampanyaya ronayîşê leyîyan.

 

Komeleya Ekolojîye ke xebatanê xo Amed de rayîr bena, seba ke bale bianca şewatanê aşmanê hamnanî ke hetê leşkeran ra ameyî vetiş û raşteyanê daristanan ra yenê vetiş, kampanyaya ‘Ti zî darêk rone’ dabî dest pê kerdene. Kampanya do temamê aşma nîsane de dewam bikera. 

 

Komeleya Cigêrayîşê Ziwan û Kulturî ya Mezopotamya (MED-DER) zî paştî daye kampanya. Wendekarê şenik yê MED-DERî seba paştîdayîşê kampanya leyîyan ronayî. 

Wendekarê MED-DERî çarçeweya kampanyaye de taxa Demet Evlerî ya Bagcilarî de leyîyan ronayî.