KOBANÎ - Endama Kongreya Starî ya Kantonê Kobanî Edlê Ehmed Bekir derheqê tecrîdê giran yê serê Rayberê PKKyî Abdullah Ocalanî dîyar kerd ke ê tecrîdê serê Abdullah Ocalanî şermezar kenê û vat: "No tecrîd serê Abdullah Ocalanî de tesîrêk pîl serê komelî de keno. Serek, nefesê şarê kurdî yo, eke o çinbîne şarê kurdî zî çin o. Rayber Apo seba ma cinîyan xeylêk  xebate kerd, cinî bi fikir û felsefeyê ci rêxistine û artêşê xo awan kerdî."

 

Bi 24 serrî yo Rayberê PKKyî Abdullah Ocalan zindanê Îmraliyî de binê tecrîdêk giran de yo. Dewleta tirk û hêzê komplogerî yê ci dir hetkarî waştî, bi nê  komployî şarê kurdî çin bikerê û felsefeyê Rayberê PKKyî Abdullah Ocalanî şarî ra bifisnê. Seba nê zî Tirkîya bi serran a tecrîdêko giran serê Rayberê PKKyî Abdullah Ocalanî bi ca ana.  Roj bi roje tecrîd tewr giran kena û îmkan nêdana keye û avûkatanê Rayberê PKKyî Abdullah Ocalanî ci dir têkilî ronê.

 

Derheqê na babete de Endama Kongreya Starî ya Kantonê Kobanî Edlê Ehmed Bekir ajansê ma rê ercnayîş kerd.

 

'Tecrîdê ser rayberê ma tesîrêk pîl serê komelî de keno'

 

Edlê destpêkê qiseykerdişê xo de bale ant serê tecrîdê giranî û vat: "Tecrîdê serê Rayberê Abdullah Ocalanî bi rojan o tewr giran beno, bi rastî ma şermezar kenê. No tecrîdê serê rayberê ma tesîrêk pîl serê komelî de keno. Serek nefesê şarê kurdî yo, eke o çin bo, şarê kurdî zî çin o. Rayber Apo seba ma cinîyan xeylêk xebate kerd, cinî bi fikir û felsefeyê ey rêxistin û artêşê xo awan kerd. Cinî cuye de kerd manaya tewr pîroz."

 

'Rayber Apo her çar parçeyê Kurdistanî de cinî wurzna serê lingan'

 

Edlê dewam de wina vat: "Rayber Apo seba azadîya cinî têkoşîno tewr pîl kerd. Cinî, ewro wayîrê rolê tewr girîng ê. Rayber Apo cinî mîyanê komelan de kerd cayê safîkerdişî. Serekî verda ke cinî xo perwerde bikerê, xo îdare bikerê û bi sebeb ke cinî mîyanê sîyasetî de bibo wayîrê rolêke bi tesîr û cayê xo her wareyê cuye de bigîro. No çî zî serekî dest pêkerd. Seba ke ey perwerde vist werte û seba cinî xebatêke pîl kerd. Sewbîna 4ê Nîsane bi xoverdayîşê ke bi serran o dewam keno, do bibo serkewtşê hemverê hewldayîşê qirkerdişî. Her çar parçeyê Kurdistanî de cinîyan wurzna serê lingan. Bi fikir û felsefeyê Rayber Apo cinî bi name û veng bî."

 

'4ê Nîsane to rê pîroz bo serekê ma'

 

Edlê tewr peyîn wina vat: "Bi çend serrî yo xêrcê şarê kurdî, tu kes qalê babeta tecrîdê giran ê serê Rayber Apo nêkeno. Tu dewletê garantor yan zî rêxistinêke ke behsê heqê merdiman kenê nê çî verê çiman ra derbas nêkenê. Seba serek, projeyê Neteweyê Demokratîke awan kerdo û temamê şaran kerdo virara xo. Waştî ke nê projeyî birijnê û têmîyankerdiş mîyanê netewan de viraznê la reyna zî çi beno wa bibo heta peynî ma do pey fikir û felsefeyê Rayber Apo de bê. Ma do tu wext fek xeta azadîya cinîyan û azadîya Rayberê xo û komelî vera nêdanê û heta peynî zî seba azadîya Rayberî ma do serê lingan de bê. Ma sey cinî vanê, 4ê Nîsane to rê pîroz bo serekê ma û na serre de azadîya temamê şaran qetî do bibo."