RIHA - Keyeyê Şenyaşarî ke roja  391ê de "Nobeta Edaletî" dewam kena vat, "Heta edalet bi ca bêro ma do biwazê û bêveng nêmanê."

 

Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018 de Pirsûs de hêrişê dikanê keyeyê Şenyaşarî kerdibi. Hêriş de mêrde û di lajê  dadîya Emîne Şenyaşar amebî qetilkerdiş û lajê ci Ferît Şenyaşar zî bi birîndarî xelas bibi. Seba vînayîşê kiştoxan û muhakemekerdişê înan, Emîne û Ferît Şenyaşar 9ê adara 2021 de vernîya Edlîyeyê Rihayî de dest bi çalakîya Nobeta Edaletî kerd. Çalakîya keyeyê roja 391ine de dewam kerd. Peynîya hewteyî de edlîye padaye ya coka keyeyê xo yê Pirsûsî dewam kerd.

 

Keyeyî, serê hesabê xo yê medyaya dijîtale de fotografê ambulansa ke demê birîndarî ci de bî û rastê hêroşî amebî pare kerd û wina vat: "Heme kes êdî zano ke huqûq Riha de goreyê şexs û meqaman form gêno. Tirkîya de huqûq, îmtihanê xo yê tewr girîng hemverê dadîyêke ke vernîya edlîye de têkoşîn dana de dano. Heta ke edalet bi ca bêro ma do biwazê û bêveng nêmanê."