AMED - Derheqê 33 selahîyetdarê leşkerî de seba kiştişê 7 sivîlê ke Pasûr de qerarê dewanêakerdiş amebi dayîş. Cipersayîşê serê qerarê “binpaykerdişê” yê AYMyî newe ra amebi destpêkerdiş, na rey bi mehnaya “demvîyarte” serê ci ame padayîş. 

 

Qezaya Pasûrî ya Amedî 24ê teşrîna peyêne 1991in de qirkerdişêk amebi kerdiş û 7 sivîlî amebî kiştiş. Derheqê qirlerdişî de 33 selahîyetdarê leşkerî rê cipersayîş amebi destpêkerdiş. Derheqê selahîyetdaranê leşkerî de qerarê dewaakerdişî amebî dayîş. Dadgeha Destûrê Bingeyîn qerar xira kerdibi û bi mehnaya “binpaykerdişî” waştibi cipersayîş newe ra bêro destpêkerdiş. Na rey zî bi mehnaya “demvîyarte” serê cipersayîşî ame padayîş.