Evîn Zenda

 

ŞENGAL - Bi rayberîya TAJÊ, Xanesor de hetê cinîyan ra 300 darê tewir bi tewir yê fêkîyan ameyî ramitiş. Meyan Xidir ke tewrê çalakîya darçînayîşî bî vat: "Ez azadîya Rayber Apo seke azadiya xo vînena.”

 

9ê Teşrîna Verêne 1998ine de hemverê Rayberê PKKyî Abdullah Ocalan komployêke mîyanneteweyî ame kerdiş û 15ê Sibata 1999ine de teslîmê Tirkîya ame kerdiş. 23 serrî yo hemverê Abdullah Ocalanî de, tecrîdêko giran ke ameyo daîmîkerdiş yeno dewamkerdiş. Abdullah Ocalan Zîndanê Tîpa Fyê Asayîşê Berzî yê Îmraliyî de binê şertê giran de yeno tepiştiş, destûr nîno dayîş ke bi keye û avûkatanê Abdullah Ocalanî dir pêvînayîş bêro kerdiş. Tewr 25ê adara 2021 de bi telefon keyeyê xo dir qisey kerdibi û dimayê demêk kilm telefonê ci amebi birnayîş. A roje ra xebere Abdullah Ocalanî ra nîna girewtiş. Sewbîna Abdullah Ocalan bi avûkatanê xo dir zî tewr peyîn 7ê tebaxa 2019ine de pêvînayîş kerd. 

 

Demêk derg o amadekarîyê pîrozkerdişê 73in serrgera rojbîyayîşê Abdullah Ocalanî yeno kerdiş. Her serre 4ê Nîsane de çalakîyê cîya yenê kerdiş. Sewbîna her serre bi rayberîya Tevgerê Azadîya Cinîyê Êzidî (TAJÊ) ra darî yenê ramitiş. Eçsar zî bi eynî hawa cinîyê Şengalî rojbîyayîşê Abdullah Ocalanî pîroz kenê. Şengal her cinî û tutêke seba Abdullah Ocalanî darêke ramit.

 

Bi rayberîya TAJÊ Xanesorî hetê cinîyan ra 300 darê tewir bi tewir fêkî ameyî ramitiş. Cinîyan demê darî ramitişê waştişê xo yê azadîya Abdullah Ocalanî ardî ziwan. Yew zî nê cinîyan ra Meyan Xidir a û ajansê ma rê qisey kerd. 

 

Meyane, destpêkê qiseykerdişê xo de 4ê Nîsane pîroz kerd û vat: “Ma 4ê Nîsane Rayber Apo, temamê şarê aşîtîwaş û temamê şerwananê xo pîroz kenê. Ma rojbîyayîşê Rayber Apo sey rojbîyayîşê xo vînenê seba ma bi Rayberî bî wayîrê îrade û ma rêxistinbîyayîşê xo aver berd. Ma hêvî kenê ke Rayber Apo zîndan ra bixelisyo û ma pîya azad biciwîyo. Roşnayîyê fikrê Rayber Apo senîn cinîyê êzidî roşn kerdo. Rayber Apo cuya newe diyarî ma cinîyan rê kerd. Ma sey cinîyê Êzidî newe ra dayîr ra bî, seba nê ma azadîya Rayber Apo sey azadîya xo vînenê.”