ŞEHBA - Bi seyan welatijê Efrîn û Şehbayî bi merasîmêk heybet cenazeya di cinîyê ke netîceyê teqayîşê qezaya Ehdasî de dinyaya xo bedilnabî, oxir kerdî.

 

Bi seyan welatijê Efrîn û Şehbayî bi merasîmêk heybet cenazeya di cinîyê ke vizêr bînayêke de netîceyê teqayîşêk qezaya Ehdasî ya kantonê Şehbayî de dinyaya xo bedilnayî, oxir kerdî. Herdi cinî koçberê Efrînî bî û nameyê înan Cemîle Osman Mamo 77 serrî dewa Berkaşî ya qezaya Bliliê û Nezhet Sîdo ya 45 serrî dewa Baflûnî ya qezaya Şera ya Efrînî ra bî.  Hurdî cenazeyî goristanê Şehîdê sivîl ê qezaya Fafînî ya Şehbayî de defin kerdî. Merasîm bi deqeyêke rêzgirewtişî seba cangoriyê azadîye dest pêkerd. Dima ra bawernameyê şehadetî hetê Hemserekê Meclisê Kantonê Efrînî Mihemed Remedan ra ame wendiş.

 

‘Ma qetî nêvindenê’

 

Hemseraka Meclîsê Kantonê Efrînî Xelûx Bekir sersaxî şarê kurdî rê waşt û vat: "Sere de ma sersaxî heme şarê welatparêz û keyeyê şehîdan rê wazenê. Vizêr reyna Efrînijan dej antî. Ma di dadîyê Efrînî, di cinîyê xoverdayoxî vînî kerd. La beramberî nê zî seba ke ma xoverdayîşê xo dewam bikerê û serbikewê, ma do canê xo zî fedayê na herre bikerê. Şorişê ma ke resayo roja ewro û dewam kerdo bi rayberîya cinîyan o, bi hêz û îradeyê şarê ma yê xoverdayoxî yo. Seba ke dişmin ma çin bikero û hêzê ma bişikno rojane pilananê lêşin keno, la nêzanê ke ma tu wext acis nêbenê. Ma do serê rayîrê pekrewananê xo de bê, ma do welatê xo îşxalkerdiş ra  xelas bikerê.”

 

Cenazeya hurdî welatijan bi berzkerdişê slogananê "Şehîd nêmirenê", "Biciwîyo xoverdayîşê Serdemî" û "Cinî ciwîyayîş azadî" sepernayî erd.