Sîdra Mamo

 

ŞEHBA - Cinîyê Efrînî yê ke koç kerdî û nika Şehba de manenê, derheqê roja rojbîyayîşê Rayberê PKKyî Abdulah Ocalanî de qisey kerdî û wina vatî: "Roja 4ê Nîsane seba ma rojêke zaf pîroz û girîng a, seba ke rojbîyayîşê Rayber Apo rojbîyayîşê ma yo. Ma pey  fikir û felsefeyê Rayberê xo de yê û ma do têkoşîn û xoverdayîşê xo pîl bikerê.  Vindertiş û hêzê cinî cewabo tewr pîl o cinîyan rê."

 

4ê Nîsana 1949 de Rayberê PKKyî Abdulah Ocalanî dewa Amarayê Rihayî de dadîye xo ra bi. Abdulah Ocalan şorişê azadîya cinî û şarê kurdî kerd. Abdulah Ocalan fikr û felsefê xo temamê dinya vila kerd. Sewbîna seba heqê cinîyan veng da û hemverê îqtîdaran têkoşîn kerd. 24 serrî yo ke Abdulah Ocalan zindanê Îmraliyî de esîr ame girewtiş û bi nêzdîyê serrêke xebere ci ra nîna girewtiş. Derheqê babete de Efrînî yê ke Kantonê Şehbayî de manenê ajansê ma rê erjnayîş kerd.

 

'Rayber Apo cinî sey cuye ercnayîne'

 

Esume Îsmayîl ke qezaya Recoyî ya Efrînî derheqê roja rojbîyayîşê Rayberê PKKyî Abdulah Ocalan de qisey kerd û wina vat: "Destpêk de ma roja 4ê Nîsane heme cinîyan rê pîroz kenê. Bi hezaran serrî yo ma heme cinî bindest, kole, binê zilm û zorê îqtîdaran de bi, la ewro bi xêrê fikir û felsefeyê Rayber Apo ma hewnê giranî ra şîyar bî. Îqtîdaran her tim binê nameyê şermî de seba cinî sînorê bêvengîye dabî û rolê cinî pelçiqnabî. Seba nê zî Rêber Apo verê çimanê dinya de qetî kerd ke cinî tena ê keye û tutan nîyê, cinî her ware de eşkenê kar û xebate bikerê. Şorişê Rojawanî de cinîyê kurdî dinya rê bî nimûneyê hêz û xoverdayîş î. No zî bi keda Rayberê ma yo. Dişmin her tim cinî hedef gêno, seba ke Rayber Apo cinî sey cuye erjneno."

 

'Rojbîyayîşê Rayber Apo rojbîyayîşê heme cinîyanê bindestan o'

 

Esume dewam de wina vat: "Rojbîyayîşê Rayber Apo rojbîyayîşê heme cinîyê bindestan o. Ma serê rayîrê  Rayberê xo de yê û ma tutanê xo serê nê felsefeyî de perwede bikerê. Ma sey cinîyê Efrînî yê koçber Wargehê Berxwedanî, seba ke ma agêrê serê herra xo û azadîya fîzîkî ya Rayber Apo mîsoger bikerê, ma do tekoşîn û xebatê xo yê xoser pîl bikerê."

 

'Êdî ma sere îqtîdaran rê nêtewênenê'

 

Aras Elî ke dewa Çiyî yê qezaya Mabetaya Efrînî ra ya wina vat: "Roja  rojbîyayîşê Rayber Apo heme şarê kurdî û cinîyê bindest pîroz kena. Rayber Apo rastî dîyarî ma kerd, yewin reyo ke heqê cinîyan veng dayo Rayber Apo yo. Seba nê zî na roje seba ma cinîyan zaf  girîng û bi mana ya. Êdî ma koletî qebûl nêkenê û ma sereyê xo îqtîdaran rê nêtewênenê. Ma do veng û rengê cinî heme dinya de bi fikir û felsefeyê Rayber Apo berz bikerê. Sewîyeyêka cinî ewro resaya û serê linganê xo de vinderta bi xeyrê Rayber Apo yo. Vindertiş û îradeyê cinî cewabo tewr xurt ê dişminî rê yo, seba nê wazenê şexsê cinî de komel bikerê kole."

 

'Ma girêdayê Rayberê xo yê'

 

Roşîn Xelîl ke dewa Qenterî ya qezaya Mabetaya Efrînî ra ya roja 4ê Nîsane rojbîyayîşê Rayberê PKKyî Abdulah Ocalanî de qisey kerd û wina vat: "Ma cinî rojbîyayîşê Rayber Apo sey roja dadîbîyayîş ra newe ameyê dinya erjnenê. Seba ke Serekî verda ke cinî newe ra serê xo de vinderê û xo newe ra awan bikerê. Tarîx de Serekî qalê heqê cinîyan kerdo û bale anta serê manaya rastî ya cinî. Seba nê ma sey cinî girêdayê fikir û felsefeyê Rayber Apo yê."

 

'Ma do zîndanê Îmraliyî serê dişminî de birijnê'

 

Roşîne tewr peyîn wina vat: "5 serrî derbas beno ke ma tîya koçber ê, la reyna zî tu çîyêk vernîya ma de nêbeno asteng. Xeta xoverdayîşî do her wext dewam bikero. Cinî hêz û bingehê komelî yê, seba nê dişmin cinî ra terseno û hêrişê cinî keno. Ma sey cinîyê Efrînî serê rêça Rayberê xo yê û ma tu wext nêvindenê. Ma do zîndanê  Îmraliyî serê îşxalkerdişî de birijnê."