WAN - Sînem a ke ame îdîakerdiş hewl dayo ke 'întîxar' bikero, nêweşxane de mergê aye yê mezgî ameyo ca û ame dîyarkerdiş ke bedenê aye de zî rêçê pirodayîşî estê.

 

Qezaya Bêgirî yê Wanî de amebî îdîakerdiş ke Sînem D. hewl dayo 'întîxar' bikero. Dimayê hayîdarkerdişî, xizmetkarê weşîye şîbî cayê serebûtî û dimayê mudaxaleyê verênî aye wedaritbî nêweşxaneyêke Wanî.

 

Mergê aye yê mezgî ame ca

 

Sînem a ke vizêrî wedarite nêweşxaneyî ame dîyarkerdiş ke mergê aye yê mezgî ameyo ca û serê leşa aye de zî rêçê pirodayîşî estê.

 

Verî zî tehda ro ci ameyo kerdiş!

 

Sewbîna ame dîyarkerdiş ke Sîneme zewejnayîya û hetê M.D ra tehda ro ci ameyêne kerdiş. Ame eşkerakerdiş ke Sîneme vera tehdayo ro ci ameyo kerdiş, keyeyo ke ci de mendê terk kerdbî û şîbî  keyeyê babê xo. Sîneme ke şîbî keyeyê babê xo, tay merdimî ke kewtê mabênê înan, hewêna agêrawa keyeyê xo yo verên ke ci de tehda vînayne û mendêne. Û ame hayîdarkerdişî ke tutêke aye zî esto/a.