AMED - Derheqê Berîtan Canozere ke hesabêke dîjîtal ke aîdê aye nîyo îdîaname ame hadrekerdiş û persêrî heta 5 serran ci rê ceza waşt.

 

Pêwa tacîzê hukmî yê hemverê muxabîra ma Berîtan Canozere de, Serpersêrê Komare ya Amedî derheqê aye de îdanameyêke newe hadre kerd. 4ê Nîsane ya 2021î de,  serê keyeyê Berîtane de amebî girewtiş û Berîtane amebî destbendkerdişî. Berîtane ke amî destbendkerdiş, 4 roje nezaret de mendbî. Dima ra bi waştişê tepiştişî sewqê dadgehe amebî kerdiş û bi şertê kontrolê edlî serbest amîbî veradayîş. Derheqê Berîtane de bi îdîaya serê hesabê bi nameyê  'Berîtan Sarya' ke aîdê aye nîyo, parekerdişê ke kerdê bi sûcê 'Propagandaya organîze'  îdaname ame hadrekerdiş.

 

Îdanameyo ke ame hadrekerdiş hetê 4in Dadgeha Cezaya Girane ya Amedî ra ame qebûlkerdiş û roniştena dewaya aye do 31ê Adare de bêro kerdiş.