Rojda Aydin

 

ŞIRNEX - Cinîyê ke Sûka Keda Cinîyan ê Silopî de esnafîye kenê da zanayene ke no proje seba cinîyan zaf manîdar o û vatî: "Şaredarîya Silopîyî bi xebatê wina hêze danê cinîyan. Ma do tîya de paştdayîşê cinîyan xurtêr bikerê."

 

Şaredarîya Partîya Demokratîke ya Şaran (HDP) a Silopîya Şirnexî dimayê  31ê Adare ya 2019î de ke amî serê karî xebatê xo yê seba îstîhdamkerdişî yê cinîyan bê mabên dewam kena. Şaredarî heta nika seba cinîyan xeylêk perojeyî fînayî vîyartbarîye.  No proje goreyê lazimîya cinîyan ameyo hadrekerdiş. Projeyoke kewto vîyarbarîye yew zî  17ê Adare de kuçeyê 63yîne de Semtê Yeşîltepeyî yê Silopîyî  Sûka Keda Cinîyan a. Sûka ke amî akerdişî de 12 dikanî û cayê kafeyî esto. Cinîyê ke na Sûke de xebetênê ajansê ma rê qisey kerdî.

 

'Xeylêk cinîyî tîya de xebetênê'

 

Reyhan Bayrame (23), vera ke karêke bikero çinêbîyo û keye de bîya, dima ra Sûka Keda Cinîyan amî akerdişî xo rê dikano bi nameyê Kela Memê akerd û rotişê berhemanê organîkî kena. Reyhane wina vat: "Dimayê ke mi şinawit ke no ca do abo, ez fikirîyawa ke,  o do seba mi zaf baş bo. Mi zî waşt seba derheqê keyeyê xo tîya de bixebetî. Keyeyê mi zî 15 serrî yo berardişê organîkî roşenê. Mi zî waşt nê sazgehî dewam bikerî û vera nê yewî nika rotişê berardişê organîkî kena. Keyeyê mi zî paştdayîş da mi. Xeylêk cinîyî sere ro na sûke dayî. Nika xeylêk cinîyî tîya de karê xo kenê. Heta nika ma bi nizdîbîyayîşêke xiraban dir rî bi rî nêmendî. Cinî, mêrde û ciwanî ferq nêkeno heme kesî seba rotiş û herênayîşî yenê tîya.  Nê berardişê organîkî yê ke ez roşena na deşte de yenê ramitiş. Vera nê yewî mi nameyê wareyê xo panawo dikanê xo. Ma wazenê heme cinîyî bêrê tîya de bixebetîyê."

 

'Heme xebatkarî cinîyê'

 

Vûslat Canbeylî (30) ya ke bi eslê xo Êlih ra ya û 4 serrî yo Silopî de ca girewto. Sûke de dikanê dekorasyonî akerdo û berardişê xemilnayîşê texteyan kena. Vûslata ke verî sektorê xusûsî de xebetîyawa xeylêk zehmetîyan dir rî bi rî menda. Vûslatê, wina nîyadîyayîşê xo ardî ziwan: "Ez her tim xebetîyayêne. Şert û mercê xebate zaf giranî bîy û heqê mi nêdayne. Vêşêrî zehmetîyan ra sektorê xusûsî ya ke ez ci de xebetîyayêne, rey rey zî ma mobîngî dir rî bi rî mendê. Coka nê semedî ra mi waşt ez êdî karê xo bikerî. Mi dest bi karê dekorasyonê berardişê xemilnayîşê texteyan kerd. Mi şinawit ke do Silopî de cayêko wina bêro akerdişî û mi muracatê ci kerd. Dima ke muracatê mi ame qebûlkerdiş, mi tîya de dest bi kar kerd. Tîya de 12  esnafê cinîyî estê. No proje seba ma cinîyan xeylêk baş û weş bî. Coka nê yewî ma spasdarî şaredarîye rê  kenê. Ma fikirênê ke roj bi roje humara esnafê cinîyan tîya de zedeyêr bibo. Xebatkarê asayîşî ra heta kafeteryayî heme cinîyê. Ma wazenê seba cinîyan zêdeyêrî xebatî bêrê kerdiş."

 

'Ma tîya de mîyanê paştdayîşî de yê'

 

Çîgdem Ozele(28) Unîversîteya Erzîromî ya Beşa Bazirganî  û Lojîstîkî ya Mîyanneteweyî ra mezûn bîya û wextêke kilm de zî Beşa Hesabgirewtişî de xebetîyawa. Çîgdeme wina bale ante serê xebata ke ameya kerdiş: "Cinîyî çiqas serkewtebê zî her tim apey de yenê verdayîş. Mi çerçewayê beşa xo de muracatê xeylêk cayan da, la muracatê mi nêame qebûlkerdiş. Wexto  mi şinawit ke do Silopî de Sûka Keda Cinîyan bêro akerdişî, ez xeylêk kêfweş bîya. Seba nê yewî sevkanîyêke lazim a. Vera ke heta nika tu şaredarîyêke  xebatêke wina nêkerda. Şaredarîya Silopî na sûke seba ma cinîyan merkezê sûke de awan kerd. No seba ma şansêke pîl bî û mi waya xo Zozane dir tîya de dest bi kar kerd. Cinîyê ke tîya de xebetênê  kêfweş ê. Ma bi projeyê şaredarî serberz ê. No proje hêze dana heme cinîyan. Ma tîya de bîyê sey keyeyêke. Ma cinîyanê tiya de dir her tim mîyanê paştdayîşî de yê."

 

'Xebata cinîyan hêze dana mi'

 

Yew dikandare ra tewr  qiçkek a sûke de xebetêna Helbest Jîyan Kizile ya 19 serrî ya. Helbeste, qal kerd ke vera hinî semedan fek mektebe ra veradayo û wina dergî da qiseyanê xo: "Wexto ke mi şinawit no ca abeno ez xeylêke kêfweş bîya. No proje seba cinîyî serê payanê xo de vinderê ame viraştiş, no çî serberzîyêke ya. Seba cinîyan hîsêk zaf pîl a ke serê payanê xo de vindenê û xebata tîya de ya hêze da mi. Ma wazenê şaredarî seba cinîyan tim projeyê bi nê rengî virazo. Ma cinî karê xo bikerê û ma do serê payanê xo de vinderê. Xebata cinîyan dir hêze dana mi. Mi rê bî sey keyeyêke."

 

'Şaredarî bi xebatê xo hêze dana cinîyan'

 

Fatma Mete(29) sûka newe de kafeterya akerdo û da zanayene ke, a bi akerdişê nê cayî xeylêk kêfweş bîya û vat: "Cinîyî nê tever de û nê zî kafeteryayan de rehetê. Vera nê ez fikirîyawa ke, seba cinîyan cayêke wina akerî. Coka nê yewî zî ez nika kafe de xebetêna. Ez wazena cinîyî her wareyî de rehetî bê. Tena ez nê, heme merdimî bi nê projeyî kêfweş ê. Şaredarî bi xebatanê xo hêze dana cinîyan. Heme xebatkarê ke tîya de yê, cinîyê. Sûka Keda Cinîye ma do bi destê xo bixemilnê."