RIHA - Keyeyê Şenyaşarî çalakîya "Nobeta Edaletî" ya ewro de nê mesajî pare kerd: "Ma ewro vînenê ke wijdanê kesê edalet ardê verê mergî zî nêmendo. Israrê dadîyan  do edalet bîyarê."

 

14ê hezîrana serra 2018ine de merdim û pawitişê parlamenter AKPyî Îbrahîm Halîl Yildiz ke hêrişê dikanê keyeyê Şenyaşarê Pirsûsî kerd. Hêriş de mêrde û di lajê Emîne Şenyaşar ameyî qetilkerdiş û lajê ci Ferît Şenyaşar zî bi birîndarî xilas bi. Seba muhakemekerdişê kiştoxan û veradayîşê Fadil Şenyaşar; Emîne Şenyaşar û lajê ci Ferît Şenyaşar 9ê adara serra 2021ine de vernîya Edliyeyê Rihayî dest bi çalakîya Nobeta Edaletî kerdibî. Çalakîya keyeyê roja 383 de dewam kerd. Seba peynîya hewteyî edlîye padayeyo, keye nobeta keyeyê xo yê qezaya Pirsûsê Rihayî de dewam keno.

 

Keye, serê hesaba xo ya medya dîjîtale de hesabê Wezaretê Edaletî etîket kerd û nê mesajî pare kerd: "Ma helwestê edaletî yê xoser û bêhet de dewaya sîyasî de vînenê. Ma ewro vînenê ke wijdanê kesê hukmî ardê verê mergî zî nêmendo.  Israrê dadîyan do edalet bîyaro."