STENBOL - Buroyê Huqûqî yê Asrinî ra derheqê Îmraliyî de eşkerayîye daye û da zanayene ke ê serrêke ra nata nêeşkenê muwekîlanê xo ra xebere bigêrê.

 

Buroyê Huqûqî yê Asrinî ra derheqê Îmraliyî de eşkerayîye daye û da zanayene ke ê serrêke ra nata nêeşkenê muwekîlanê xo ra xebere bigêrê.

 

Eşkerayîya Buroya Huqûqî yê Asrinî wina ya:

 

“Ma tepişteyanê Zîndanê Îmraliyî Abdullah Ocalan, Hamîlî Yildirim, Omer Hayrî Konar û Veysî Aktaşî ra qet xeber nêgirewte. Birêz Ocalan 1999 ra bata Îmrali de tepişîyeno, 2011 ra nata pêvînayîşê ey ê bi avûkatan û 2014 ra nata zî pêvînayîşê ey ê bi keyeyî yenê astengkerdene. Hîrê muwekîlê ma yê bînî zî 17ê adara 2015î ra nata nêeşkenê avûkatanê xo bivînê. Têna pêvînayîşê telefonî yê 25ê adara 2021î ra dima ma muwekîlanê xo ra xebere girewte. A roje ra nata ma înan ra xeberêke nêgirewte. Muracatê ma yê pêvînayîşî Mehkemeya Qanûnê Bingeyî de est ê. Rixmê ney zî selahîyetdaran hema zî derheqê rewşa muwekîkanê xo de xeberêke nêdaye.

 

Na raştîyêk a ke krîzê nikayênî yê welatî seba ke meseleya kurdan çareser nêbena qewimîyenê. Na polîtîkaya çaresernêkerdişî bi girankerdişê tecrîdê vera Abdullah Ocalanî vejîyaye astêka berze. Birêz Ocalano ke seba komelî bedelê giranî dayî binê tecrîdî de yo û a raşte no yeno manaya tecrîdkerdişê aramî, haştî, refahê welatî. Na polîtîkaya îşkenceyî ra şarê Tirkîya netîceyanê giranan de têrî manenê.

 

Zanayîş ma dir nêame parekerdiş

 

Na rewşe ra ê kesê ke wazenê pê tecrîdî payan ser de bimanê mesuldar ê. Ganî verî rayaumûmîye rê bêro zelalkerdene ke çira qanûnî Îmrali de nênê caardene. Ganî vîr a nêşoro ke yew dewleta huqûqî ganî goreyê huqûqî têbigêra. Mesuldarê ney parlamento, partî, rêxistinê komelê sivîlî û dezgeh ê.

 

Heqê ma esto ke ma zanayîş bigîrê 

 

Heqê pêro hemwelatîyan o ke rewşa Îmraliyî pers bikerê. Bi Qanûnê Bingeyî ameyo garantîkerdene ke Komara Tirkîya dewletêka huqûqî ya û nêbeno ke îşkence û mualemeyê xirabî bikera merdiman rê. Rixmê ney zî no prensîbo bingeyî yê qanûnan vera Birêz Ocalan û muwekîlanê ma nêno caardene. Pêro hemwelatîyî eşkenê ke ney rê îtîraz bikerê. Wina pawîyeno ke îdarekarî û dezgehê dewlete groreyê krîteranê xo têbigêrê.

 

Ganî dewlete wezîfeyê xo ca bîyaro 

 

Raştîya ke ma nêeşkenê Birêz Ocalan û muwekîlanê xo yê bînan ra xebere bigêrê polîtîkayêka nezelale afernaye. Ganî nêro vîrakerdene ke îşkence yo ke tepişteyî teberê dinya de bêrê verdayene. Ganî dewlete cade erkanê xo bîyara ca û verê pêvînayîşanê bi avûkat û keyeyan abikera. Ma venga demokrat û azadîgîran danê ke seba caardişê nê waştişî têbigêrê. Ma pê bawer ê ke her keso ke qala azadîye keno wa samîmîyetê xo bimojno.”