MÊRDÎN - Medya Çinar ke serra 2019 de zîndan de hemverê tecrîdkerdişê Rayberê PKKyî Abdullah Ocalanî peynîya cuya xo ardibî, serê gorê xo de ameye yadkerdiş.

 

Medya Çinar Zîndanê Mêrdînî yê Tîpê Eyî de 25ê Adara 2019ine de hemverê tecrîdkerdişê Rayberê PKKyî Abdullah Ocalanî de peynîya cuya xo ardibî. Keye û îdarekarê HDPyî û aktîvîstê TJAyî Medya serê gorê aye dewa Margikî ke serê qezaya Qoserê Mêrdînî de ya, yad kerdî. Dadîyê Aştîye zî tewrê vîrardişî bî. Heyetê HDPyî û cinîyan hetê dadîya Medya, Çaçan Çinar ra ameye pêşwazîkerdiş. Serê gorî de deqîqeyêke rêze ameye girewtiş. 

 

Hemseraka HDPyî ya Qoserî Aysel Ayav vîrardiş de qisey kerd û vat, ê do wayîrê têkoşînê Medya Çinar û embazanê ci vejîyê û pakrewanê azadîye bi rêzdarî vîr anê.

 

Dima ra aktîvîsta TJAyî Emîne Înan zî qisey kerd û bale ant serê têkoşînê cinîyanê kurdan û dîyar kerd ke hemverê tecrîdî têkoşîn bikerê û Medya û cangoriyê bînan zî xo vîr ra nêkerê.

 

Vîrardiş bi berzkerdişê sloganê, “Şehîdî nêmirenê” peynî bi.