RIHA - Çalakîya 'Nobeta Edaletî' ya Keyeyê Şenyaşarî 381 rojî yo dewam de ya. Keyeyî ewro no mesaj pare kerd: "Rojêke helbet  dadîya ke seba edaletî verê edlîyeyî de têkoşena do ser bikewo. Do peynî ro huqûqê serdestan bêro."

 

Vernîyê weçînayîşê 24ê Hezîrane ya 2018ine de qezaya Pirsûsî ya Rihayî de 14ê Hezîrane ya 2018ine de merdim û pawitoxê Parlementerê AKPyî Îbrahîm Halîl Yildiz hêrişê ferdanê Keyeyê Şenyaşarî kerdî û hîrê ferdê keyeyî qetil kerdî. Emîne û lajê xo  Ferît Şenyaşarî seba dewa de edalet bêro ca û dosyaya qetlîamê verê Nêweşxaneyê Dewlete ya Pirsûsî bêro akerdiş û ferdê keyeyî Fadil Şenyaşar o ke tepişteyo bêro veradayîş, 9ê Adare ya 2021î ra verê Edlîyeyê Rihayî de Nobeta Edaletî gênê.  Nobeta Edaletî ya Keyeyê Şenyaşarî roja 381in de dewam kena.  Emîne û Ferît Şenyaşarî sey her roje qezaya Pirsûsî ra ameyî verê edlîyeyî û nibete girewte.

 

Keyeyî serê hesabê xo yê Twîtterî de nê mesajî vila kerdî: "Rojêke helbet  dadîya ke seba edaletî verê edlîyeyî de têkoşena do ser bikewo. Do peynî ro huqûqê serdestan bêro. Rûmetê merdimîye û edaletî do ser bikewo.