ANQARA - Şubeyê Komîsyonê Xebatê Cinsî yê Komelî û Cinîyan ê ÇHDyî yê Anqara, raporê xo yê çarçewaya 8ê Adare de ame vatiş ke poşmanî serê tepişteyan de yeno ferzkerdiş.

 

Şubeyê Komîsyonê Xebatê Cinsî yê Komelî û Cinîyan ê Komeleya Hiqûqnasê Neweyî (ÇHD) yê Anqarayî serdayîşê 7ê Adare ke Zîndanê Cinîyan ê Sîncanî de çarçewaya 8ê Adare Roja Cinîyan ê Dinya de ame kerdiş de sey rapor pare kerd. 

 

Rapor de behsê Sibel Balaç ke bi 95 rojî yo rojeyê mergî de ya, ame kerdiş sewbîna bi tepişteyê bi nameyê M.K., Z.Y., N.Ş., S.P., S.S. pêvînayîş ame kerdiş. 

 

Rojnameyê ke wazenê nînê verê destê înan

 

Rapor de ame dîyarkerdiş ke tecrîd dewam keno û ame vatiş ke demê  telefonî yê tepişteyê edlî yê sîyasî tewr zêde yo û binpaykerdişê heqan dewam keno. Sewbîna ame vatiş kesê ke wazenê tepişteyan bivînê, cipersayîşê asayîşî serê înan de yeno ferzkerdiş û ame neqlkerdiş ke her tim qawişan de cigêrayîş yeno kerdiş. Eynî wextî rapor de ame dîyarkerdiş ke îdarekarê zîndanî destûr nêdano weşanê qenalê mûxalîf û rojnameyê ke wazenê nînê verê destê înan. Kitabî zî di mengî ra reyke yenê dayîş û cinî nêeşkenê xo biresnê pedanê pakan.

 

Mektubê kurdî erey yenê dayîş

 

Sewbîna rapor de ame dîyarkerdiş ke mektubê bi kurdî bi mengan dima yenê dayîş û ame vatiş, înfazê tepişteyan yeno veşnayîş. Goreyê  raporî tedawîya tepişteyan yena  astengkerdiş û seba bêrê tehliyekerdiş poşmanî înan rê yena ferzkerdiş.