Melîke Aydin

 

ÎZMÎR - Cinîyê ke tewrê Newroze bî dîyar kerdî ke çareserî bi diyalog mimkun o û Rayberê PKKyî Abdullah Ocalanî û heme tepişteyê sîyasî rê azadî waştî.

 

Îzmîr de Newroze bi sloganê, ‘Dem demê azadîye yo’ 20ê Adare de bi tewrbîyayîşê hezaran kesî Meydanê Gundogdu de kerdî. Cinîyan bi waştişê azadî û aştîye ware pirr kerdî û waştişê xo ardî ziwan.

 

Nerîman Bîrlîklera HDPyije dîyar kerd ke vernîya Newroze xebatêke pîl kerdê û vat: “Bi rojan o ma taxan de cayê bazaran û keyan de xebate kerd. Şarê ma na Newroze bi sloganê, ‘Dem demê azadîye yo’ pêşwazî kerd. Her ca de ma bi coş û kelecanêk pîl ameyî pêşwazîkerdiş.”

 

‘Ma têkoşînê yewbîyaye pawenê’

 

Çîgdem Yildirim ke bi Hêzê Têkoşînê Yewbîyaye dir tewrê Newroze bî bale ant serê girîngîyê Newroze û wina vat: “Hemverê zilm û tedayî, hemverê şarê kurdî serewedaritiş pîl beno. Ma têkoşînê yewbîyaye pawenê.” Halîme Yavuz zî dîyar kerd ke Newroze roşanê şarê kurdî ya û vat: “Ma azadîye wazenê. Seba nê ma ameyî têhet. Wa kultur û ziwanê ma azad bibo. Ma bi nê waştişî ameyî tîya. Wa heme ciwanê ma bi rehetî ziwanê xo qisey bikerê.”

 

‘Wa serekê ma azad bibo’

 

Mahbube Dalbudak zî vat, bi waştişê azadî û aştîye  ameya ware û waştiş kerd ke wa serekê înan ganî bêro veradayîş. Sewbîna Zîlan Dalbudak zî vat, ê aştî û azadî wazenê û vengdayîşê azadîya Rayberê PKKyî Abdullah Ocalanî kerd.

 

Vengdayîşê dîyalogî

 

Cinîya bi nameyê Eda Kutlu zî ke amebî wareyê Newroze bale antî serê rewşa tepişteyê nêweşan û vat, wa bi rayîrê diyalogî aştî bi ca bêro û heme tepişteyê nêweşî bêrê veradayîş.